ចំណូល Huawei កើនឡើង ២៣% ទោះបីត្រូវអាមេរិកក្រឡុកមួយភ្លែត

2019-07-31 03:01:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei អាចរកចំណូលបាន ៣២,២ ពាន់លានដុល្លារ នៅចន្លោះខែមេសា ដល់មិថុនា ដែលមានការកើនឡើង ២៣% ធៀបនឹងត្រីមាសដដែលឆ្នាំមុន ទោះបីជាត្រូវបានសហរដ្ឋអាមេរិកដាក់ឈ្មោះក្នុងបញ្ជីខ្មៅមួយរយៈ កាត់ផ្ដាច់មិនឲ្យរកស៊ីជាមួយក្រុមហ៊ុនបច្ចេកវិទ្យាអាមេរិកក្ដី។

គិតរយៈពេល ៦ ខែដំបូងនៃឆ្នាំ ២០១៩ នេះ Huawei អាចលក់ស្មាតហ្វូនបាន ១១៨ លានគ្រឿង ដែលមានការកើនឡើង ២៤% ធៀបនឹងពេលដូចគ្នាកាលពីឆ្នាំមុន។ មុនជំនួញផលិតផលអេឡិចត្រូនិករបស់ Huawei អាចរកចំណូលបាន ៣២,១ ពាន់លានដុល្លារ ចំណែកជំនួញទូរគមនាគមន៍អាចរកចំណូលបាន ២១,៣ ពាន់លានដុល្លារ នៅរយៈពេល ៦ ខែដើមឆ្នាំ ២០១៩ នេះ។

តួលេខនេះត្រូវបានបង្ហាញឡើង ស្របពេលដែលក្រុមហ៊ុនវិភាគទីផ្សារ Canalys បានចេញផ្សាយរបាយការណ៍ដែលបង្ហាញថា Huawei បានពង្រីកអំណាចរបស់ខ្លួននៅទីផ្សារប្រទេសចិននាត្រីមាសទី ២។ ទោះបីជាទីផ្សារស្មាតហ្វូននៅចិនធ្លាក់ចុះ ៦% មែន ប៉ុន្តែចំនួនលក់ និងទំហំទីផ្សារ Huawei មានការកើនឡើង ៣១% ឯណោះ៕

ចុចអាន៖

ប្រភព៖ The Verge ប្រែសម្រួល៖ សុខហេង