យកគំរូតាម Lenovo ទីបំផុតច្នៃបានកូន Gaming Laptop តូចបំផុតក្នុងលោក

2019-08-04 04:41:45
ចំនួនមតិ 0 | ចំនួនចែករំលែក 0

ចន្លោះមិនឃើញ

គណនី Paul Klinger លើគេហទំព័រ YouTube បានបង្ហោះចែកចាយនូវវីដេអូខ្លីមួយជុំវិញការបង្ហាញនូវកូន Gaming Laptop ខ្នាតតូចមិនធ្លាប់មានពីមុនមក បំផុសការរចនាច្នៃចេញពីកុំព្យូទ័រយួរដៃ ThinkPad របស់ក្រុមហ៊ុន Lenovo។

ឧបករណ៍ខ្នាតតូចនេះឲ្យឈ្មោះ 'ThinkTiny' ដែលបង្កើតឡើងសម្រាប់លេងហ្គេមតែមួយមុខគត់ ក្នុងនោះអ្នកប្រើប្រាស់អាចកម្សាន្តជាមួយហ្គេមខ្នាតតូចដូចជា Snake, Tetris និង Lunar Lander ជាដើម ខណៈដែលការបញ្ជាចុះឡើងធ្វើទៅបានឆ្លងកាត់ប៊ូតុង TrackPoint ពណ៌ក្រហមមួយ។

រូបតំណាងកុំព្យូទ័រ Lenovo ThinkPad

ThinkTiny បំពាក់នូវអង្គគណនា Atiny1614 ដោយប្រើប្រាស់អេក្រង់ OLED សខ្មៅ មានកម្រិតបង្ហាញ ១២៨x៦៤ ភីកសែល មានថាមពលថ្មទំហំ 300mAh សាកថ្មតាមរន្ធសាក microUSB។ នៅផ្នែកខាងមុខក៏មានភ្ជាប់ភ្លើង LED តូចមួយ ដែលវាផ្លាស់ប្តូរទៅតាមកម្រិតលំបាកនៃហ្គេមនីមួយៗ។

ទស្សនាវីដេអូខាងក្រោម៖

តាមប្រភពពីសារព័ត៌មាន Gizmodo បានបញ្ជាក់ថា Klinger នឹងពុំមានគម្រោងដាក់លក់ឬចែកចាយ Gaming Laptop ចម្លែកមួយនេះទេ ព្រោះលោកគ្មានពេលវេលាគ្រប់គ្រាន់ក្នុងការបង្កើត និងមួយផ្សេងទៀតមិនចង់ឲ្យរងការប្ដឹងផ្ដល់ណាមួយពីក្រុមហ៊ុន Lenovo។