Valverde ៖ "Neymar? រាប់ពី១ដល់១០ ខ្ញុំស្ថិតក្នុងអត្រា ៩,៥ ហត់នឿយណាស់"

2019-08-31 07:43:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Ernesto Valverde គ្រូបង្វឹករបស់ FC Barcelona ត្រូវឆ្លើយសំណួរជាច្រើនដែលមិនចេះចប់អំពីទីផ្សារដោះដូរកីឡាករ ជាពិសេសការវិលត្រលប់មកវិញរបស់ Neymar ដែលគេតែងសួរលោកអំឡុងពេលសន្និសីទសារព័ត៌មានមុនការប្រកួត La Liga ។

អ្នកចាត់ការរូបនេះមានការធុញទ្រាន់នឹងរឿង Neymar មែនទែន ហើយលោកបន់ឲ្យតែថ្ងៃបិទទីផ្សារដោះដូរកីឡាករនៅថ្ងៃចន្ទ ទី២ខែកញ្ញាមកដល់ឲ្យឆាប់ៗ។

ការវិវឌ្ឍន៍ចុងក្រោយរវាង Barca និង PSG លើសំណើ Neymar កាន់តែគ្មានសង្ឃឹម នៅពេលដែលក្លឹបយក្ស Ligue 1 ទាមទារតម្លៃខ្លួនកីឡាករប្រេស៊ីលហួសហេតុពេក។

"វាមានរយៈពេលយូរណាស់។ ខ្ញុំចង់ឲ្យថ្ងៃនោះមកដល់ឆាប់ៗ ដូច្នេះយើងអាចសម្រាកទាំងអស់គ្នា។ ខ្ញុំមិនមានអ្វីដែលត្រូវនិយាយអំពី Neymar ទេពីព្រោះគាត់ជាកីឡាករមកពីក្លឹបផ្សេង ហើយយើងត្រូវគោរពគូប្រជែងរបស់យើង។ បើវាកើតឡើង វានឹងកើតឡើង។ ខ្ញុំស្ថិតនៅក្នុងអត្រា ៩,៥ លើ១០ ដែលរឿងនេះធ្វើឲ្យខ្ញុំនឿយហត់នឿយមែនទែន"។ Valverde ប្រាប់អ្នកសារព័ត៌មាននៅសន្និសីទកាសែត។

នៅក្នុងសំណើដែល PSG ទាមទារកីឡាករ Dembele, Rakitic និង Todibo ហើយថែមលុយប្រមាណ ១៣០ លានផោនទៀត ជាថ្នូរនឹង Neymar ត្រូវបានលោក Valverde ថាទៅមិនរួចឡើយ។ លោកថ្លែងការពារ ដោយពោលថា Rakitic លេងច្រើនប្រកួតជាមួយ Barca ហើយគ្មានហេតុផលណាដែលក្លឹបដូរគាត់យក Neymar នោះទេ។ រីឯ Dembele លោកមិនចង់អត្ថាធិប្បាយឡើយ ដោយសារកីឡាកររូបនេះកំពុងមានរបួស៕

អាន៖ ក្លឹបចាយលើប្រាក់ខែច្រើនបំផុតធៀបចំណូលនៅ EPL មិនមែនក្រុមកំពូលទាំង៦ទេ

ប្រភព៖ Besoccer ប្រែសម្រួល៖ សុខ លាងហ៊ត