ក្រោយមានកំណើនសត្វឆ្កែ ទីក្រុងនៅអេស្ប៉ាញដំឡើងពន្ធលើម្ចាស់
- 2019-09-09 12:06:41
- ចំនួនមតិ 0 | ចំនួនចែករំលែក 0
ក្រោយមានកំណើនសត្វឆ្កែ ទីក្រុងនៅអេស្ប៉ាញដំឡើងពន្ធលើម្ចាស់
ចន្លោះមិនឃើញ
ទីក្រុងហ្សាម៉ូរ៉ា (Zamora) ភាគពាយព្យនៃព្រះរាជាណាចក្រអេស្ប៉ាញ បានដាក់ពន្ធលើអ្នកចិញ្ចឹមឆ្កែហើយ ដោយចាប់អនុវត្តនៅឆ្នាំក្រោយ។ ការដាក់ឲ្យបង់ពន្ធនេះ ធ្វើឡើងក្រោយពីចំនួនសត្វឆ្កែ មានចំនួនលើសពីចំនួនកុមារទៀតផង។
ក្រុមប្រឹក្សាពន្ធនៃទីក្រុងហ្សាម៉ូរ៉ា លោក Diego Bernado បានលើកឡើងថា អ្នកចិញ្ចឹមឆ្កែទាំងអស់ត្រូវតែបង់ពន្ធ ដើម្បីបង្កើនចំណាយរបស់រដ្ឋបាលសាលាក្រុង។ ពន្ធលើសត្វឆ្កែអាចជាមធ្យម ៩.៩៥ដុល្លារ។
លោកបានពន្យល់ថា រដ្ឋបាលសាលាក្រុងអាចកើនចំណូលពីជាង ៥៥,០០០ដុល្លារ ទៅរហូតជាង ១០ម៉ឺនដុល្លារ ក្នុងមួយឆ្នាំ ហើយចំណូលទាំងនេះ នឹងប្រើប្រាស់ ក្នុងការបង្កើតកន្លែងបណ្ដើរឆ្កែ និងជួលអ្នកសម្អាតសំណល់សត្វជាដើម។
យ៉ាងណាមិញ លោកយល់ថា មិនមែនគ្រប់គ្នាយល់ស្របលើចំណាត់ការនេះទេ៕