​យោង​តាម​ប្រភព​ព័ត៌មាន​រៀតណាម​បាន​ចុះ​ផ្សាយ​ថា ​ស្មាតហ្វូន​របស់​ក្រុមហ៊ុន​ Apple គឺ​ iPhone 11, iPhone 11Pro និង iPhone 11 Pro Max ​បាន​ប្រទះ​ឃើញ​មាន​នៅ​តាម​ហាង​ក្នុង​ប្រទេស​វៀតណាម​រួច​ទៅ​ហើយ​ ​គិត​ត្រឹម​ថ្ងៃ​សុក្រ​ទី ១៣ ​ខែ​កញ្ញា​ឆ្នាំ ២០១៩​ នេះ។

​យ៉ាង​ណា​មិញ​ ​ប្រភព​ដដែល​ដែលបានស្រង់សម្ដីមនុស្សម្នាក់ឈ្មោះ Phuc Bo (ជាអ្នកនាំចូល iPhone មកតាមហាងនៅហាណូយ) បាន​បន្ថែម​ទៀត​ថា​ ​បើ​តាម​ការ​ប្រកាស​អំឡុង​ពេល​ធ្វើពិធី​របស់ Apple គឺ​​ថ្ងៃ ១៤ ខែកញ្ញា(ស្អែកនេះ) ទើប​ក្រុមហ៊ុន​បើក​ឲ្យ​ចាប់ផ្តើមកម្ម៉ង់​ទិញ​ជា​ផ្លូវការ​​។

Phuc Bo បានបញ្ជាក់ដែរថា "ទូរសព្ទ ៣ ដើមដំបូងនេះជាប្រភេទម៉ាស៊ីនតេស្ត Network មិនមែនជារបស់សម្រេចលក់លើទីផ្សារនោះទេ (តែដំណើការ iOS 13 ពេញលេញ) ចឹងបានបានវាគ្មានអ្វីមកជាមួយ សូម្បីតែគ្រឿងគ្រៅ( Accessories) ឬប្រអប់របស់វាក៏អត់មានដែរ។"

ចំពោះពណ៌ iPhone 11 មកជាមួយជម្រើសមេម៉ូរី 256GB ពណ៍ស្វាយ ឯ iPhone 11 Pro និង iPhone 11 Pro Max មកជាមួយជម្រើសមេម៉ូរី 512GB ពណ៌មាស និងប្រផេះ។ ចំណែកតម្លៃមិនត្រូវបានបង្ហើបឲ្យដឹងទេ តែគេអាចដឹងបានថា វានឹងមានតម្លៃដល់ខ្ទង់លាន(ដុង) ក៏មានអ្នកហា៊នចំណាយដែរ។

រីឯហាងជាច្រើនដែលបើកឲ្យកម្ម៉ង់ទិញ iPhone 11 Pro Max ពណ៌ប្រផេះ (នៅវៀតណាម គេដឹងថាចូលចិត្តពណ៍នេះច្រើន) ជម្រើសទំហំ 64GB តម្លៃ ១ ៦៤៨ ដុល្លារ(៣៨ លានដុង) / 256GB តម្លៃ ១ ៨២១ ដុល្លារ(៤២ លានដុង) និង 512GB តម្លៃ ១ ៩៩៥ ដុល្លារ(៤៦ លានដុង)៕

អត្ថបទទាក់ទង៖

• Apple លាក់ជិតរឿងសម្ងាត់ពីរលើ iPhone 11 ឥឡូវមានគេទម្លាយចេញហើយ
• ៣ ប្រ​ទេស​នៅ​អាស៊ាន​បើ​ឲ្យ​កុម្ម៉ង់​ទិញ iPhone ស៊េរី​ថ្មី​មុនគេ

ប្រភព៖ vnexpress   ប្រែ​សម្រួល៖ រក្សា