Apple ជាអ្នកដំបូងគេដែលកែច្នៃលោហៈកម្រ យកមកប្រើឡើងវិញលើ iPhone

2019-09-19 02:17:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានចាប់ផ្ដើមប្រើប្រាស់លោហៈ Rare Earth ដែលត្រូវបានកែច្នៃពីផលិតអេឡិចត្រូនិកចាស់ៗ យកមកប្រើនៅលើ iPhone ជំនាន់ចុងក្រោយរបស់ខ្លួន។

គ្រឿងបន្លាស់ដែលផលិតដោយប្រើលោហៈ Rare Earth កែច្នៃគឺ Taptic Engine ដែលវាផលិតឡើងដោយលោហៈ Rare Earth កែច្នៃ ១០០% លើកដំបូងគេសម្រាប់ស្មាតហ្វូន។ Taptic Engine គឺមាន ចំណែក ២៥% នៃលោហៈ Rare Earth កែច្នៃប្រើក្នុង iPhone មួយគ្រឿង។

តាមរយៈការប្រើប្រាស់វត្ថុធាតុកែច្នៃឡើងវិញ Apple មិនចាំបាច់ជីកយកលោហៈទាំងនេះ ពីផែនដីនោះទេ។ Apple អះអាងថាភាពច្នៃប្រឌិតថ្មីនេះ នឹងអាចជៀសផុតពីការជីកយក បុកស៊ីតអាលុយមីញ៉ូមជាង ២,៨ លានតោន និងសំណប៉ាហាំងជាង ៣,៤ ម៉ឺនតោន ក្នុងរយៈពេល ១ ឆ្នាំខាងមុខ។

គួរដឹងថាការកែច្នៃលោហៈ Rare Earth ដ៏មានតម្លៃ ដែលមានលើគ្រឿងអេឡិចត្រូនិកទំនើបដូចជាស្មាតហ្វូន ឬទូរទស្សន៍ផ្លាស្មា គឺជាបញ្ហាប្រឈមមួយសម្រាប់ក្រុមហ៊ុនផលិត និងក្រុមការពារបរិស្ថាន។ ធាតុទាំងនេះ គឺកើតមានឡើងដោយធម្មជាតិ នៅក្នុងល្បាយនៃរ៉ែ ហើយត្រូវធ្វើការបន្សុទ្ធមុនយកមកប្រើ៕

ចុចអាន ៖ មើលការបើកប្រអប់ iPhone 11/11 Pro ពណ៌បៃតងថ្មី ទាក់ភ្នែកអស់ស្ទះ

ប្រភព៖ engadget ប្រែសម្រួល៖ សុខហេង