មើលការបើកប្រអប់ iPhone 11/11 Pro ពណ៌បៃតងថ្មី ទាក់ភ្នែកអស់ស្ទះ

2019-09-18 01:43:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ Channel ឈ្មោះ Marques Brownlee ដែលមាន Subscriber ជាង ៩ លាននាក់លើគេហទំព័រ YouTube ថ្មីៗនេះបានបង្ហាញនូវវីដេអូបើកប្រអប់ iPhone 11 និង iPhone 11 Pro/Pro Max ប្រភេទជម្រើសពណ៌ថ្មី ដែលជាពណ៌ Midnight Green និង Pastel Green។

ត្បិតការដាក់លក់ផ្លូវការត្រូវបើកនាថ្ងៃទី ២០ កញ្ញា ប៉ុន្តែក្រោយ Apple ចេញផ្សាយនៅថ្ងៃទី ១០ ខាងក្រុមហ៊ុនបានផ្តល់ម៉ាស៊ីនមួយចំនួនជូន YouTuber ល្បីឈ្មោះជាច្រើនរូបរួចទៅហើយ។ ដោយឡែក MKBHD បានជ្រើសយកការបើកប្រអប់នូវម៉ាស៊ីនពណ៌ថ្មីទាំងពីរ ហើយកាន់នៅនឹងដៃប្រៀបធៀបឲ្យអ្នកគាំទ្របានឃើញច្បាស់នឹងភ្នែក។

ប្រអប់វេចខ្ចប់នៃ iPhone 11 Pro/Pro Max គឺមានពណ៌ខ្មៅនិងរូបទូរសព្ទប្រើកាមេរ៉ាបីគ្រាប់ផ្កាប់អេក្រង់ចុះ ហើយនៅក្នុងប្រអប់ស្មាតហ្វូនមានតម្លៃខ្ទង់ ១ ពាន់ដុល្លារនេះ ក៏ផ្តល់ជូននូវខ្សែសាក USB-C ភ្ជាប់ទៅ Lightning ជាមួយដុំសាកកម្លាំង ១៨ វ៉ាត់ ជាអ្វីដែលអតិថិជនទទូចចង់បានតាំងពីឆ្នាំទៅ ហើយក្នុងប្រអប់ iPhone 11 គឺបន្តប្រើប្រាស់ខ្សែសាកធម្មតា៕

ទស្សនាវីដេអូខាងក្រោម៖