ព្រឿង សុជាតិ៖ ឥលូវខ្ញុំអត់ទាន់មានលទ្ធភាពបើកហាងលក់ខោអាវទេ ប៉ុន្តែអាចលក់តាម Online សិន
- 2019-09-25 02:59:56
- ចំនួនមតិ 0 | ចំនួនចែករំលែក 0
ព្រឿង សុជាតិ៖ ឥលូវខ្ញុំអត់ទាន់មានលទ្ធភាពបើកហាងលក់ខោអាវទេ ប៉ុន្តែអាចលក់តាម Online សិន
ចន្លោះមិនឃើញ
អ្នកប្រដាល់គុនខ្មែរ ព្រឿង សុជាតិ ស្រឡាញ់របរលក់ខោអាវយូរដែរហើយ ប៉ុន្តែឥលូវមិនទាន់មានលទ្ធភាពទេ ដូច្នេះត្រឹមលក់ Online សិនចាំជោគជ័យបន្តិចទៀតអាចឈានរកហាងមួយច្បាស់លាស់។
ព្រឿង សុជាតិ បានឲ្យដឹងថា បច្ចុប្បន្ននេះក្រៅតែពីហ្វឹកហាត់ និងឡើងប្រកួតប្រដាល់តាមសង្វៀននានា ខ្លួនឆ្លៀតពេលទំនេរ Live Video លក់អាវតាមហ្វេសបុកថែមទៀតផង។ របរលក់មួយនេះ សុជាតិ បញ្ជាក់ថាស្រឡាញ់យូរហើយ ប៉ុន្តែមិនទាន់បានបង្កើត ទើបតែមួយរយៈពេលចុងក្រោយនេះ ទើបចាប់លក់ជាមួយគូរដណ្ដឹង។
កូនសិស្សលោក ធន់ សុភា រូបនេះបន្ថែមទៀតថា ចំពោះដើមទុកបង្កើតរបរនេះចំណាយប្រហែល១ពាន់ដុល្លារប៉ុណ្ណោះ។ ឥលូវនេះមានការគាំទ្រជាបណ្ដើរៗហើយ ដោយអ្នកខ្លះនៅភ្នំពេញ និងអ្នកខ្លះនៅតាមខេត្តជួយទិញផងដែរ។ នៅពេលខាងមុខប្រសិនបើ ដំណើរការល្អនោះ អ្នកប្រដាល់រូបនេះនឹងរកហាងមួយត្រឹមត្រូវ។ ព្រឿង សុជាតិ លើកឡើងទៀតថា ប្រសិនបើអ្នកគាំទ្រគុនខ្មែរណាចង់បានអាវស្អាតៗ និងមានគុណភាពល្អ សូមជួយទិញតាមរយៈហ្វេសបុករបស់ខ្លួន Proueng Socheat នេះបាន ឬតាមផេក PSC Online Shop។
រំលឹកដែរថា កីឡាករ ព្រឿង សុជាតិ អ្នកប្រដាល់មកពីសមាគមក្រសួងការពារជាតិ ជាកូនសិស្សលោក ធន់ សុភា។ បច្ចុប្បន្នអ្នកប្រដាល់រូបនេះលក់អាវច្រើនប្រភេទតាម Online៕
អ្នកចង់មើល រឿង សោភ័ណ្ឌ ប៉ះ Iquezang ពីរនាក់នេះនៅតែប្រកួតដដែលទេ គ្រាន់តែលើកពេល
ហ៊ុន ច័ន្ទរាជ្យ បានដៃគូសហការផ្ដល់កន្លែងហ្វឹកហាត់កីឡាករ MMA បន្ថែមមួយទៀតហើយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
