កាស Microsoft អាចបកប្រែសម្ដីបានដល់ ៦០ ភាសា

2019-10-03 06:55:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Microsoft បានបង្ហាញចេញនូវការឥតខ្សែដំបូង មានលក្ខណៈស្រដៀងនឹង AirPods ដែលវាជាម៉ូដែល Surface Earbuds មានមុខងារទំនើបៗជាច្រើន។

សមត្ថភាពទាក់ទាញបំផុតនោះគឺវាមានភ្ជាប់ជាមួយនឹង Microsoft Office 365 ដែលអាចស្ដាប់ពាក្យសម្ដីហើយវាយជាអក្សរនៅលើកម្មវិធី PowerPoint ដោយភ្លាមៗ។ មិនតែប៉ុណ្ណោះគឺអាចបកប្រែពាក្យសម្ដីពីភាសាមួយទៅកាន់ភាសាដទៃទៀតប្រមាណ ៦០ ភាសា ឯណោះ។

កាសនេះមានរន្ធស្រូបសំឡេងសរុបចំនួន ៤ (មួយចំហៀងមានពីរ) ដែលវាអាចជំនួយដល់មុខងារពិសេសទាំងពីរខាងលើ ហើយជួយបង្កើនគុណភាពការហៅចេញផងដែរ។ Microsoft ក៏មានបញ្ចូលនូវមុខងារដំណើរការ Spotify ដោយថាអ្នកប្រើ Android អាចដំណើរការកម្មវិធីនេះនិងចាក់ចម្រៀងដោយបញ្ជាលើកាសផ្ទាល់ មិនបាច់ប្រើទូរសព្ទឡើយ។

Surface Earbuds មានថាមពលថ្មដែលប្រើបាន ៨ ម៉ោងពេលសាកមួយពេញ។ ក្រុមហ៊ុនក៏បានបន្ថែមសម្បកសម្រាប់សាកថ្មដែលបន្ថែមអាយុកាលសរុបដល់ ២៤ ម៉ោង ដែលសាកតាមរន្ធ USB-C។ កាសនេះមានតម្លៃ ២៥០ ដុលា្លរ ដែលនឹងចេញលក់អំឡុងចុងឆ្នាំ៕