Donald Trump ទទូចឲ្យ Apple យករបស់ចាស់មួយមកបំពាក់លើ iPhone វិញ

2019-10-28 01:23:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិកលោក Donald Trump ដែលជាអ្នកប្រើប្រាស់ iPhone មួយរូប បានទទូចចង់ឲ្យក្រុមហ៊ុន Apple លៃលកបំពាក់ប៊ូតុង Home ត្រលប់មកលើស្មាតហ្វូនវិញ ព្រោះហាក់មើលឃើញថាមានភាពងាយស្រួលជាងការប្រើប្រាស់សព្វថ្ងៃ។

ត្បិតមិនអាចដឹងច្បាស់ថា Trump បច្ចុប្បន្នកំពុងប្រើប្រាស់ iPhone XS, XR ឬ iPhone សេរ៊ីឆ្នាំ ២០១៩ ប៉ុន្តែដូចគ្រប់គ្នាបានដឹង Apple បានចាប់ដកប៊ូតុង Home លើកដំបូងបង្អស់នៅឆ្នាំ ២០១៧ ជុំវិញការវិវត្តពី iPhone 8 ឡើងមកកាន់ iPhone X ដែលបន្សល់ទុកគែមជុំវិញអេក្រង់តិចជាងមុន។

យ៉ាងណាមិញលោក Trump បានបង្ហោះសារលើ Twitter ផ្ញើទៅកាន់ Tim Cook ផ្ទាល់៖ "ការចុចប៊ូតុងលើ iPhone គឺមានភាពល្អប្រសើរជាងឆ្ងាយណាស់បើធៀបនឹងការអូសឡើង (Swipe)"។

ត្បិតមិនអាចទស្សន៍ទាយថានាយកប្រតិបត្តិ Apple នឹងព្រមតាមសំណើរបស់ Trump ឬអត់នោះ តែបើយើងមើលតាមចចាមអារ៉ាមនៃការចេញផ្សាយ គឺ iPhone SE ជំនាន់ទីពីរ រំពឹងនឹងត្រូវចិត្តប្រធានាធិបតីអាមេរិករូបនេះខ្លាំងបំផុត ព្រោះតាមលេចលឺគឺជា iPhone 8 អាប់ដែតថ្មី ហើយប៊ូតុង Home ក៏រក្សាទុកមិនដកចោលនោះដែរ៕

អានអត្ថបទ:

ប្រភព៖ theverge ប្រែសម្រួល៖ កៅ រក្សា