ស្មាតហ្វូនភ្នែក ៥ ឡើងមកឈរស្មើ Mate 30 Pro នៅចំណាត់ថ្នាក់កំពូលលើ DxO Mark

2019-11-06 01:26:07
ចំនួនមតិ 0 | ចំនួនចែករំលែក 0

ចន្លោះមិនឃើញ

Xiaomi បានប្រកាសចេញផ្សាយស្មាតហ្វូនជាង ៤០០ ដុល្លារ Mi CC9 Pro ឬ Mi Note 10 នៅមុននេះ ហើយតាមរយៈការតេស្តផ្ទាល់ជុំវិញផ្នែកកាមេរ៉ាពី DxO Mark ម៉ូឌែលប្រើប្រាស់កាមេរ៉ាក្រោយ ៥ គ្រាប់មួយនេះបានឈរចំណាត់ថ្នាក់កំពូលស្មើនឹង Huawei Mate 30 Pro។

មានពិន្ទុរួម ១២១ ពិន្ទុស្មើគ្នា ដោយ DxO Mark ឲ្យឈ្មោះវា Mi CC9 Pro Premium Edition។ ការផ្តិតយករូបភាពសុទ្ធ ទទួលបាន ១៣០ ពិន្ទុ និងវីដេអូបាន ១០២ ពិន្ទុ បើធៀបនឹង Mate 30 Pro ការផ្តិតយករូបភាពបាន ១៣២ ពិន្ទុ និងវីដេអូបាន ១០០ ពិន្ទុ។

+លក្ខណៈសម្បត្តិកាមេរ៉ា Mi CC9 Pro

(Primary) ឡេនមេ: 108MP មាន Aperture f/1.69 OIS (ផ្តិតយករូបភាពមាន Resolutionទំហំ 27MP)
(Short Telephoto) ឡេនទីពីរ: 12MP មាន Aperture f/2.0
(Long Telephoto) ឡេនទីបី: 5MP មាន Aperture f/2.0
(Ultra-Wide) ឡេនទីបួន: 20MP មាន Aperture f/2.2
(Macro Lens) ឡេនទីប្រាំ: មាន Aperture f/2.4 ចាប់រូបភាព Close Focus ចម្ងាយពី ២ ទៅ ១០ សង់ទីម៉ែត្រ

ចំណុចខ្លាំងដែល DxO Mark បានសរសើរដល់ប្រព័ន្ធដំណើរការកាមេរ៉ារបស់ Mi CC9 Pro គឺការផលិតរូបភាពមានគុណភាពខ្ពស់ ល្បឿន Autofocus លឿន ការថត Night Mode មិនសូវមានគ្រាប់ Noise ហើយការផ្តិតយករូបភាពលើឡេន Ultra-Wide ក៏ធ្វើបានល្អខ្លាំងផងដែរ៕ អានអត្ថបទ:

ប្រភព៖ mxphone ប្រែសម្រួល៖ កៅ រក្សា