ខ្សែសាកចាស់អត់ប្តូរថ្មី តែស៊ូរុំស្កុត ទីបំផុតផ្ដាច់ជីវិតយុវតីវ័យ ១៧ ឆ្នាំម្នាក់

2019-11-06 06:34:08
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវតីវ័យ ១៧ ឆ្នាំរស់នៅក្នុងប្រទេសថៃបានស្លាប់បាត់បង់ជីវិតដោយសារការប្រើប្រាស់ទូរសព្ទអំឡុងពេលសាកថ្ម។

យោងតាមសារព័ត៌មាន Daily Mail បានចុះផ្សាយថាយុវតីដែលបាត់បង់ជីវិតមានឈ្មោះ Nong Ying រស់នៅខេត្ត Chaiyaphum បានស្លាប់កាលពីល្ងាចថ្ងៃទី ១ វិច្ឆិកា បន្ទាប់ពីម្តាយអ្នកស្រី Boonpeng Tuponchai ត្រលប់មកផ្ទះវិញ ឃើញកូនស្រីខ្លួនទម្រេតខ្លួនបាត់មាត់ឈឹងនៅក្នុងបន្ទប់។

យុវតី Nong Ying

ដំបូងម្តាយគិតថាប្រហែលកូនស្រីកំពុងគេងលង់លក់ តែនៅពេលយកដៃទៅដាស់ក៏មានភ្លើងចរន្តអគ្គិសនីឆក់តបមកវិញ ហើយធ្វើឲ្យអ្នកស្រី Tuponchai មានការស្លន់ស្លោប្រញាប់ទៅដកភ្លើងចេញជាបន្ទាន់ តែអកុសលយុវតី Nong បានស្លាប់បាត់បង់ជីវិតបាត់ទៅហើយ។

ទូរសព្ទអំឡុងពេលសាករបស់ Nong Ying

លទ្ធផលនៃការធ្វើកោសលវិច័យឃើញថាផ្នែកដៃខាងឆ្វេងរបស់សាកសពបានរងការរលាកយ៉ាងធ្ងន់ធ្ងរ ពោលជាផ្នែកដៃដែលចុចកាន់ទូរសព្ទ។ តាមការស៊ើបអង្កេតបន្ថែមនៅខ្សែសាកដែលនាងប្រើប្រាស់គឺមានសភាពចាស់ទ្រុឌទ្រោម តែនាងនៅបន្តប្រើប្រាស់ដោយមានរុំព័ទ្ធដោយស្កុត ហើយដើមចមបង្កបញ្ហាគឺអាចដោយសារចំណុចនោះឯង៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា