Microsoft បញ្ចេញអាវុធថ្មី Surface Pro បង្កប់បន្ទះឈីបខ្លាំងបំផុតរបស់កុំព្យូទ័រ

2019-11-06 04:21:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Microsoft បានប្រកាសចេញផលិតផលថ្មី ២ ទៀតគឺ Surface Pro X និង Surface Pro 7 ដែលជាស្រឡាយឧបករណ៍ Windows 2 in 1 ចុងក្រោយបង្អស់របស់ក្រុមហ៊ុនបច្ចេកវិទ្យាយក្សមួយនេះ។

Surface Pro

ឥឡូវសូមលើកយកម៉ូឌែល Surface Pro X មកបង្ហាញជូនអ្នកកំពុងចាប់ចិត្តចង់ក្លាយជាម្ចាស់ឧបករណ៍នេះ។ Surface Pro មានកំរាស់ត្រឹមតែ ៧.៣ អ៊ិញនិងទម្ងន់ ១.៧ ផោនប៉ុណ្ណោះ គឺស្រាលនិងស្ដើងជាងសៀវភៅទៅទៀត។ ក្រៅពីបែបបទដូចម៉ូឌែលមុនៗ ពោលគឺ តួខ្លួនអាចដោះចេញពីក្តារចុច និងបត់ជាពីរធ្វើកុំព្យូទ័រ តែមានប៊ិចដ៏ទំនើបអាចច្នៃធ្វើជា ថេប្លែត វិញក៏បាន។

អ្វីដែលលេចធ្លោខ្លាំងលើសពីរូបរាងដ៏ទាក់ទាញលើជំនាន់ថ្មីនេះគឺ កម្លាំងដំណើការបន្ទះឈីបល្បឿនលឿននិងខ្លាំងផ្តាច់គេ គឺ ARM Processor ល្បឿន ៣ GHz ដែលកុំព្យូទ័រចេញថ្មីខ្លះនៅមិនទាន់មាននៅឡើយផង។ បន្ទះឈីបនេះជំនួយដល់ការប្រតិបតិ្តការងារ សម្រាប់អ្នកប្រើ Surface អាចបើកផ្ទាំងកម្មវិធី ២ ក្នុងពេលតែ ១ យ៉ាងរលូន កែ ឬ គូសរូបភាពបានតាមចិត្ត និងល្បឿនភ្ជាប់អ៊ីនធើណិតស៊ីមឡើងដល់ LTE មិនរអាក់រអួល។

Surface Pro X បំពាក់ដោយអេក្រង់លាតស្ទើរគ្មានគែម ១៣ អ៊ិញប្រភេទ PixelSense អាចបង្ហាញកម្រិតវីដេអូដល់ 4K និងមានប៊ិចបង្កប់ឈីបសាកភ្លើងស្វ័យប្រវត្តិ និងថាមពលថ្មអាចប្រើបានមិនព្រួយចិត្ត។ Surface Pro ភ្ជាប់ឲ្យស្រេចមកជាមួយ Windows 10 និងកម្មវិធីការិយាល័យ Office 365 ដែលអ្នកអាចធ្វើការអនឡាញនៅទីណាក៏បាន និងមុខងារស្កេនមុខដោះសោរ Windows Hello និងរន្ធសាកភ្លើង USB- Type C សម្រាប់តម្លៃចាប់ផ្តើមគឺ ១០០០ ដុល្លារ។ បើគិតទាំង Keyboard ឡើងដល់ ១១៣៨ ដុល្លារ៕

សូមទស្សនាវីដេអូខាងក្រោម៖