ស្ងាត់ៗ Honda ដំឡើងកន្លែងសាកភ្លើងឲ្យម៉ូតូ PCX អគ្គិសនី នៅថៃ

2019-11-26 03:39:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន AP Honda ដែលជាក្រុមហ៊ុនចែកចាយម៉ូតូ Honda ផ្ដាច់មុខនៅថៃ សហការជាមួយសកលវិទ្យាល័យបច្ចេកវិទ្យា King Mongkut’s University of Technology Thonburi ហៅកាត់ KMUTT បានដាក់ដំណើរការស្ថានីយសម្រាប់សាកភ្លើងម៉ូតូ PCX Electric មួយកន្លែងនៅក្នុងប្រទេសថៃ។

ស្ថានីយសាកភ្លើង PCX Electric Smart Station នេះដំឡើងនៅក្នុងគោលបំណងសិក្សា និងស្វែងយល់អំពីការប្រើប្រាស់ម៉ូតូអគ្គិសនីក្នុងចំណោមសិស្សៗ និងបុគ្គលិកក្នុងសកលវិទ្យាល័យ ជាលក្ខណៈចែករំលែកគ្នាជិះ (Sharing Service)។ ស្ថានីយ PCX Electric Smart Station មានបច្ចេកវិទ្យាដូចជាដំបូលសូឡារដែលអាចបម្លែងពន្លឺថ្ងៃទៅជាថាមពលអគ្គិសនីសម្រាប់ស្ថានីយ និងមានកន្លែងសម្រាប់រក្សាទុកអគ្គិសនី ដើម្បីប្រើជាមួយមុខងារដោះដូរអាគុយ ដែលមានឆាប់ៗនេះ។

បន្ថែមពីលើស្ថានីយសាកភ្លើងដ៏ទំនើបនេះ គេក៏បានបង្កើតនូវកម្មវិធីទូរសព្ទ HAUP ដែលអាចឲ្យសិស្ស និងបុគ្គលិកសកលវិទ្យាល័យចែកគ្នាប្រើប្រាស់ម៉ូតូ PCX Electric បានដោយងាយស្រួលផងដែរ៕

ចុចអាន ៖ វាសនា៖ "ផលិតកង់អគ្គិសនី បំណងចង់ឲ្យក្រុងភ្នំពេញស្រស់ថ្លាឡើងវិញ កាត់បន្ថយផ្សែងហុយ"

ប្រភព៖ Mocyc ប្រែសម្រួល៖ សុខហេង