ដាក់កំហិតត្រឹមថ្ងៃទី ៥ ធ្នូ បើមិនបាន ១៤ លានដុល្លារ Hacker នឹងលុបឯកសារចោលទាំងស្រុង

2019-11-27 02:16:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ Hacker មិនស្គាល់អត្តសញ្ញាណមួយក្រុមបានធ្វើការវាយប្រហារទៅលើប្រព័ន្ធ Network នៃគេហដ្ឋានសម្រាប់មើលថែទាំអ្នកជំងឺចំនួន ១១០ ទីតាំងនៅសហរដ្ឋអាមេរិក ហើយកំពុងធ្វើការទាមទារប្រាក់ថ្នូរប្រមាណ ១៤ លានដុល្លារទូទាត់ជារូបិយប័ណ្ណឌីជីថល Bitcoin។

បើតាមការឆ្លើយតបនៃភ្នាក់ងារការពារសុវត្ថិភាពលើអ៊ីនធឺណិត Virtual Care Provider Inc នៅរដ្ឋ Wisconsin និយាយថា Hacker បានប្រើប្រាស់មេរោគ (Malware) ម្យ៉ាងឲ្យឈ្មោះ Ryuk ក្នុងការវាយប្រហារនិង Encrypt ទុករាល់ទិន្នន័យទាំងអស់។

ប្រភពបន្តវាបានប៉ះពាល់ដល់កុំព្យូទ័រប្រមាណ ៨០ ០០០ គ្រឿង ដែលកំពុងបម្រើសេវាកម្មដល់គេហដ្ឋានមើលថែទាំអ្នកជំងឺ ១១០ ទីតាំងនៅទូទាំង ៤៥ រដ្ឋក្នុងទឹកដីសហរដ្ឋអាមេរិក។ Hacker បានគ្រប់គ្រងនូវរាល់ទិន្នន័យព័ត៌មានទាក់ទងនឹងអ្នកជំងឺ មិនថាតែកំណត់ត្រាវេជ្ជសាស្ត្រ ថ្លៃចំណាយ លេខទូរសព្ទ និងអ៊ីមែលជាដើម។

ជាងនេះ Hacker ក៏បានដាក់កំហិត ដោយទទួល Bitcoin ជាថ្នូរមុនថ្ងៃទី ៥ ធ្នូ បើពុំដូច្នោះទេឯកសារទាំងអស់នឹងត្រូវលុបចោលទាំងស្រុង៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា