មើលរាង Kia Optima ឆ្នាំ ២០២១ អាចប្រកួតនឹង Toyota Camry បានអត់?

2019-11-27 02:39:12
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត Kia Optima ជំនាន់ថ្មីបានផ្លាស់ប្ដូរមុខមាត់កាន់តែបែបយុវវ័យ និងមានតែមានរូបរាងបែបស្ព័រ។ Kia មិនចេញលក់រថយន្ត Optima ឆ្នាំ ២០២១ នៅឡើយទេ ប៉ុន្តែហាងលក់នៅកូរ៉េបានចាប់ផ្ដើមដាក់តាំងបង្ហាញរថយន្តនេះ និងទទួលយកការកក់លុយទិញ ដែលនឹងដឹកជញ្ជូនឲ្យអតិថិជននៅដើមឆ្នាំ ២០២០។

គួរដឹងថានេះគឺជាស្នាដៃរបស់អ្នកចាត់ការផ្នែកឌីហ្សាញរបស់ Kia គឺលោក Karin Habib ដែលលោកធ្លាប់ជាអតីតបុគ្គលិករបស់ BMW ហើយវាជាស្នាដៃដំបូងរបស់លោក ក្រោយចូលធ្វើការនៅក្រុមហ៊ុនរថយន្តកូរ៉េខាងត្បូងបានជិត ៣ ខែ។ ជាមួយការផ្លាស់ប្ដូររូបរាងថ្មីនេះ មានមតិភាគច្រើនយល់ថាវាអាចជាប្រកួតប្រជែងដ៏ខ្លាំងក្លាមួយរបស់ Toyota Camry ជំនាន់ថ្មី។

Kia Optima មានជម្រើសម៉ាស៊ីនចំនួនបួនប្រភេទ រួមមានប្រភេទសាំង ២,០ លីត្រ កម្លាំង ១៦០ សេះ និងប្រភេទ Hybrid កម្លាំង ២០២ សេះ ប្រើប្រអប់លេខស្វ័យប្រវត្តិ ៦ វគ្គ។ ពីរប្រភេទទៀតគឺមានម៉ាស៊ីនចំណុះ ១,៦ លីត្រ និងម៉ាស៊ីនប្រើចំហេះឧស្ម័នចំណុះ ២,០ លីត្រកម្លាំង ១៤៦ សេះ។