បាល់ទះក្នុងសាលកម្ពុជា និងវៀតណាម ធ្លាក់ពីស៊ីហ្គេម ២០១៩ ដូចគ្នាទោះសល់១ប្រកួតក៏ដោយ
- 2019-12-05 03:15:11
- ចំនួនមតិ 0 | ចំនួនចែករំលែក 0
បាល់ទះក្នុងសាលកម្ពុជា និងវៀតណាម ធ្លាក់ពីស៊ីហ្គេម ២០១៩ ដូចគ្នាទោះសល់១ប្រកួតក៏ដោយ
ចន្លោះមិនឃើញ
ក្រុមបាល់ទះក្នុងសាលរបស់កម្ពុជា អស់ឱកាសដើម្បីអ៊ុតទៅវគ្គខ្វែងក្រោយពីចាញ់ក្រុមខ្លាំងឥណ្ឌូណេស៊ី ម្សិលមិញនេះ ប៉ុន្តែគេឃើញកីឡាករមានភាពរីកចម្រើនគួរកត់សម្គាល់។
ក្រុមបាល់ទះកម្ពុជា និងក្រុមវៀតណាម ធ្លាក់ដូចគ្នាព្រោះ២ប្រកួតចាញ់ទាំងពីរដូចគ្នា។ ប្រកួតទី១របស់កម្ពុជា ចាញ់ម្ចាស់ផ្ទះហ្វីលីពីន ៣-០ ខណៈការប្រកួតទី២ម្សិលមិញចាញ់ក្រុមខ្លាំងមេដាយប្រាក់ស៊ីហ្គេម ២០១៧ ឥណ្ឌូណេស៊ី ៣-០ បន្តទៀត។
ចំណែកក្រុមវៀតណាម ដែលនៅក្នុងពូល B ជាមួយកម្ពុជាក៏មានវាសនាមិនខុសគ្នាដែរគឺ២ប្រកួតចាញ់ទាំងពីរ គឺចាញ់ឥណ្ឌូណេស៊ី និងចាញ់ ហ្វីលីពីន បើទោះជានៅសល់១ប្រកួតជាមួយកម្ពុជាយ៉ាងណាក្ដីក៏ជាប្រកួតបង្គ្រប់កិច្ចនោះទេ។
ជាការចាប់អារម្មណ៍របស់មហាជនក៏ដូចជាអ្នកគាំទ្រវិស័យបាល់ទះឃើញថា ក្រុមបាល់ទះកម្ពុជាមានការរីកចម្រើនជាងមុនឆ្ងាយដូចជា កីឡាករលើកនេះយកសេវាបានល្អ ខណៈសេវាខ្លាំងបែបណាក៏ដោយ ចំណែកកម្លាំងក៏ខ្លាំង និងគប់បាល់លឿនជាងមុន។ ការកត់សម្គាល់មួយទៀតនោះគឺ គ្រូបង្វឹកជនជាតិចិនថ្មីនេះគឺផ្ដោតលើកីឡាករក្មេងៗច្រើន ដោយដាក់ឲ្យលេងដើម្បីសាំងការប្រកួតតូចធំ ក្នុងការពង្រឹងសមត្ថភាពត្រៀមកម្ពុជាធ្វើម្ចាស់ផ្ទះស៊ីហ្គេម ២០២៣។
ការប្រកួតទី៣របស់កម្ពុជាគឺនឹងត្រូវប៉ះក្រុមវៀតណាម នៅថ្ងៃទី៦ ស្អែកនេះវេលាម៉ោង៣កន្លះនៅហ្វីលីពីន ចំណែកក្រុមឈ្នះទាំងពីរ ហ្វីលីពីន ត្រូវប៉ះ ឥណ្ឌូណេស៊ី នៅម៉ោង៦ល្ងាច៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
