មើលកម្រងរូបភាព ឌី សូនីតា ហាត់ប្រាណបញ្ចេញរាងសិចស៊ី

2014-11-19 17:35:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ឌី សូនីតា តួឯកស្រីក្នុងរឿង "ហេតុអ្វី" ឬ "Why” បានបញ្ចេញរូបភាពហាត់ប្រាណប៉ុន្មានសន្លឹកលើបណ្ដាញសង្គមរបស់នាងថ្មីៗនេះ។ រូបភាពពាក់អាវយឺតខ្លីសម្រុងមើលឃើញផ្ចិតនោះ ក៏បានបង្ហាញឲ្យឃើញពីរាងស្វែល និងសិចស៊ីផងដែរ។

តារាស្រីដែលកំពុងមានវត្តមានក្នុងរឿង "និស្ស័យស្នេហ៍ខ្ញុំ" រូបនេះ ឲ្យដឹងថា នេះគឺជាផល បានមកពីហាត់ប្រាណប៉ុន្មានខែកន្លងមក បន្ទាប់ពីបង្ខាំងខ្លួនពីការថតភាពយន្តដ៏មមាញឹក។ នីតា ថ្លែងថា "ពីមុនខ្ញុំសម្រុកថតភាពយន្តដល់យប់ៗជ្រៅពេករហូតចង់ទម្លាប់ភ្នែក អត់គេង ម៉ាក់គាត់ណែនាំឲ្យទៅហាត់ប្រាណហែលទឹកអីទៅ ព្រោះតែពេលហត់យើងញុំាបានគេងបាន គ្រាន់បើជាងប្រើឆ្នាំយូរទៅមានជាតិពុលច្រើន អីចឹងខ្ញុំក៏ទៅ"។

សម្រាប់ការហាត់ប្រាណ នីតា ប្រាប់ថា នាងជ្រើសរើសយកការហែលទឹក និងហាត់ប្រាណដោយមានគ្រូបង្ហាត់ ដែលសមស្របបំផុតសម្រាប់នាងជានារី។ក្នុងមួយថ្ងៃ នីតា បានឆ្លៀតទៅហែលទឹក១ម៉ោង និងហាត់កីឡាជាគ្រូរយៈពេល ២ម៉ោង លើកលែងតែថ្ងៃខ្លះរវល់ ដែលចាំបាច់ត្រូវលើកម៉ោង។

ក្រោយពេលហាត់ តារាស្រីចាប់កំណើតក្នុងទឹកដីខេត្តកំពង់ឆ្នាំងរូបនេះ ទទួលថា បានផលជាទីគាប់ចិត្ត ពោលគឺអាការគេងអត់លក់ ញុំាមិនសូវបាន និងខ្សោយជាដើម ត្រូវបានកែប្រែ។ "ក្រោយពីចាប់ផ្ដើមហាត់មក ញុំាបានគេងបានឡើងវិញ ថែមទាំងស្រកគីឡូហើយបងអ្ហើយ តែបានរាង Slim ជាងមុន មានអីឥឡូវស្រឡាញ់រាងខ្លួនឯង(សើច)!”។

ក្រៅពីកែខៃទម្លាប់មិនល្អមួយចំនួនខាងលើ ការហាត់ប្រាណ បានជួយឲ្យកញ្ញា ឌី សូនីតា សម្រេចបំណងមួយទៀត។ កញ្ញា ថ្លែងថា "មានអារម្មណ៍ដូចលូតកម្ពស់ជាងមុនបង កំពុងនិយាយជាមួយម៉ាក់អ៊ុំ ម៉ាក់យាយអីពីរឿងថ្នាំពន្លូតកម្ពស់ ព្រោះអត់ស្គាល់ថ្នាំ ឥឡូវមិនទាន់បានទៅពន្លូតផង បានសម្រេចទៅហើយ ទៅជិតបងៗសិល្បករអី គាត់ថា យី អាតាដូចខ្ពស់ជាងមុន ដល់ទៅវាស់លូតមែន ពីមុនវាស់ដោះស្បែកជើងបាន ១,៦៣ម៉ែត្រ តែឥឡូវបាន ១,៦៥ ម៉ែត្រហើយ អូយសប្បាយចិត្ត!"។

អត្ថបទ៖ តារាសម្ដែង ឌី សូនីតា ភ្លក្សរសជាតិជីវិតជាអ្នករើសអេតចាយ

យោងលើបទពិសោធន៍ខ្លួនឯង កញ្ញា ឌី សូនីតា ស្នើឲ្យប្រិយមិត្តអ្នកគាំទ្រឆ្លៀតពេលទៅហាត់ប្រាណទាំងអស់គ្នា ព្រោះហាត់ប្រាណជួយសុខភាពយើងបានយ៉ាងច្រើន។

កញ្ញា ឌី សូនីតា ចាប់អាជីពជាតារាចម្រៀង មុនពេលអភិវឌ្ឍន៍ខ្លួនមកជាតារាសម្ដែងបន្ថែមទៀត។ នាងត្រូវបានគេស្គាល់តាមរយៈរឿង "ជីវិតនាងរក្សា" និងរឿងជាច្រើនទៀត រួមជាមួយស្ប៉តពាណិជ្ជកម្មមួយចំនួនផង។

ចុងក្រោយគេ គឺរឿង "ហេតុអ្វី" ដែលនាង គឺជាតួឯកស្រី។ នីតា បានប្រកាសផ្អាកសម្ដែងភាពយន្តមួយរយៈ ដោយសារបញ្ហាសុខភាព។ នាងថ្លែងថា ដើមឆ្នាំ ២០១៥ នាងនឹងចាប់ផ្ដើមបន្តការងារសម្ដែងភាពយន្តឡើងវិញ៕

អត្ថបទផ្សេងទៀតពាក់ព័ន្ធនឹងជុំវិញតារាជាតិ

អត្ថបទផ្សេងទៀតពាក់ព័ន្ធនឹងបញ្ហាតារាជាតិ