អ្នកកំពង់ចាម ចង់មើលការប្រកួតហែលទឹក កុំភ្លេចម៉ោង៥ល្ងាចនេះនៅមណ្ឌលហែលទឹកតេជោសែន

2019-12-22 09:23:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតហែលទឺកជ្រើសរើសជើងឯកថ្នាក់ជាតិ និងពានរង្វាន់ តេជោសែន លើកទី៥ បានបញ្ចប់លើ ១០វិញ្ញាសារួចហើយ ខណៈល្ងាចនេះនឹងប្រកួតលើ ១២វិញ្ញាសា បន្ថែមទៀតវេលាម៉ោង៥ នៅមណ្ឌលកីឡាហែលទឺក តេជោសែន កំពង់ចាម។

រូបភាពរបស់ផេកសហព័ន្ធ

លោក ហែម គីរី អគ្គលេខាធិការសហព័ន្ធបានឲ្យដឹងថា ចាប់តាំងពីថ្ងៃទី២០មកនេះ ដំណើរការរៀបចំការប្រកួតជើងឯកថ្នាក់ជាតិលើកនិងពានរង្វាន់តេជោសែន លើកទី៥ គឺប្រព្រឹត្តិទៅបានល្អមិនថាខាងមន្ទីរអប់រំខេត្ត សាលាខត្ត ខាងសុខាភិបាល ឬអាជ្ញាធរដែនដីនោះទេបានសហការគ្នារៀបចំបានរលូនល្អណាស់។

លោក ហែម គីរី(អាវខ្មៅ)

ចំពោះកីឡាករ កីឡាការិនីថ្នាលវិញ ក៏មានការរីកចម្រើននូវសមត្ថភាពប្រកួតផងដែរ បើប្រៀបធៀបការប្រកួតមុនៗនោះគឺមានភាពល្អច្រើនតែម្ដង ខណៈការចូលរួមមានចំនួនច្រើនទាំងអត្តពលិក និងក្លឹបហែលទឹកនានា។ ឥលូវនេះក្លឹបក្រសួងសាធារណការ និងដឹកជញ្ជូន កំពុងឈរលើគេក្នុងការឈ្នះមេដាយ។

រូបភាពរបស់ផេកសហព័ន្ធ

បញ្ជាក់ដែរថា សហព័ន្ធខ្មែរកីឡាហែលទឹកកំពុងរៀបចំការប្រកួតជ្រើសរើសជើងឯកថ្នាក់ជាតិ និងពានរង្វាន់តេជោសែន លើកទី៥ នៅឯខេត្តកំពង់ចាម។ ការប្រកួតនេះមានរយៈពេល៤ថ្ងៃគឺចាប់ពីថ្ងៃទី២០ ដល់ ២២ ខែធ្នូ ២០១៩។ ដោយឡែកការប្រកួតល្ងាចនេះនឹងធ្វើឡើងចាប់ពីម៉ោង៥តទៅ ដូច្នេះបើអ្នកកំពង់ចាម ចង់ចូលរួមទស្សនាការប្រកួតនេះអាចអញ្ជើញទៅមណ្ឌលហែលទឹកតេជោសែន៕

អត្ថបទ៖ នួន ស៊ីណា