មនុស្ស ៣០០ លាននាក់ អាចនឹងប្តូរសេរ៊ីឡើង iPhone 12 ព្រោះចង់ភ្លក់មុខងារថ្មីនេះ

2019-12-27 06:14:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតសល់រយៈពេលជាច្រើនខែទៀតទម្រាំដល់ពេលចេញផ្សាយ iPhone 12 ក្នុងឆ្នាំ ២០២០ ប៉ុន្តែតាមការព្យាករណ៍របស់អ្នកវិភាគ Wedbush បានរំពឹងទុកជាមុនថា Apple នឹងទទួលបានជោគជ័យយ៉ាងពិតប្រាកដលើ iPhone ជំនាន់ក្រោយ។

នោះក៏ដោយសារមុខងារថ្មីអាចគាំទ្រដំណើរការប្រព័ន្ធអ៊ីនធឺណិតល្បឿនលឿន 5G។ តាមប្រភពអ្នកវិភាគបានស៊ើបសួរជាមួយក្រុមហ៊ុនផ្គត់ផ្គង់ឲ្យ Apple គឺមានតួលេខរំពឹងទុកនៃ iPhone 2020 ចន្លោះពី ១៨៥ ទៅ ១៩០ លានគ្រឿង ហើយលោកជឿថាកំណើននៃការលក់នឹងកើនបាន ១០ ភាគរយធៀបឆ្នាំចាស់ក៏ដោយសារការមកដល់នៃ iPhone 5G។

បច្ចុប្បន្នអ្នកប្រើប្រាស់ iPhone សរុបក្នុងសកលលោកមានប្រមាណ ៩០០ លាននាក់ ហើយ Wedbush ជឿជាក់ថាមាន ១ ភាគ ៣ ដែលស្មើនឹងតួលេខ ៣០០ លាននាក់ប្រាកដជានឹងផ្លាស់មកកាន់ iPhone 5G នៅឆ្នាំបន្ទាប់៕

អានអត្ថបទ:

ប្រភព៖ techmoblog ប្រែសម្រួល៖ កៅ រក្សា