ពាន KW Cambodia ឬ Real Estate Cup ជួយកីឡាករឲ្យជាប់លេងក្នុងលីគកំពូលកម្ពុជាបានច្រើន
- 2020-01-28 08:39:12
- ចំនួនមតិ 0 | ចំនួនចែករំលែក 0
ពាន KW Cambodia ឬ Real Estate Cup ជួយកីឡាករឲ្យជាប់លេងក្នុងលីគកំពូលកម្ពុជាបានច្រើន
ចន្លោះមិនឃើញ
បណ្ឌិត គីម ហ៊ាង ថាពានរង្វាន់ KW Cambodia ឬ ពាន Real Estate Cup គឺបានជួយកីឡាករឲ្យជាប់បានលេងលីគ និងវិស័យបាល់ទាត់ឲ្យរីកចម្រើនផងដែរនាពេលកន្លងទៅ៨ឆ្នាំមកនេះ។
លោកបណ្ឌិត គីម ហ៊ាង តំណាង KW Cambodia និងជាអ្នកបង្កើតឲ្យពានរង្វាន់បាល់ទាត់ពាក់កណ្ដាលអាជីពខាងលើនេះបានឲ្យដឹងថា នេះជាឆ្នាំទី៩ហើយដែលកកើតឲ្យពានរង្វាន់នេះឡើង។ មែនទែនទៅពានរង្វាន់ KW Cambodia Cup ឬ ពាន Real Estate ជាក់ស្ដែងបានជួយបាល់ទាត់កម្ពុជាបានច្រើនតាមរយៈការផ្ដល់ឱកាសបានចូលរួមប្រកួតពីមួយឆ្នាំទៅមួយឆ្នាំ។
យុវជនវ័យ ១៦-១៧ឆ្នាំកាលពីប៉ុន្មានឆ្នាំមុនដែលធ្លាប់លេងពានរង្វាន់ KW Cambodia Cup នេះឥលូវបានជាប់ជាកីឡាករអាជីពក្នុងក្លឹបធំៗនៅកម្ពុជា និងជាប់ជាកីឡាករជម្រើសជាតិឈុតធំ ឬ U-22 U-19។ មិនត្រឹមតែប៉ុណ្ណេះទេ មានកីឡាករខ្មែរមួយចំនួនលេងពាន KW Cambodia Cup បាន១-២ឆ្នាំក៏មានឱកាសជាប់ចូលលេងលីគថែមទៀត។
ចំណែកបរទេសមិនថាស្បែកសរ ស្បែកខ្មៅ ប្រហែល១០នាក់ បន្ទាប់ពីបានលេងពានពាក់កណ្ដាលអាជីពដើម្បីសុខភាពហើយនោះ ក៏បានវិវឌ្ឍនៈខ្លួនក្លាយជាកីឡាករអាជីពហើយបាននិងកំពុងលេងក្នុងលីគកំពូលកម្ពុជាបច្ចុប្បន្ន។
រំលឹកដែរថា ពានរង្វាន់បាល់ទាត់ KW Cambodia Cup បានប្រកាសទទួលពាក្យចូលរួមសម្រាប់ការប្រកួតរដូវកាលទី៩ ឆ្នាំ២០២០នេះហើយ ខណៈការប្រកួតនឹងចាប់ផ្ដើមលេងនៅដើមខែកុម្ភៈនេះ។ ប្រាក់រង្វាន់រដូវកាលថ្មីនេះកើនដល់ ៤០លានរៀល៕