អ្នកជំនាញអចលនទ្រព្យជនជាតិកូរ៉េ «កុំគិតថាយើងទៅទិញផ្ទះ ត្រូវគិតថាយើងទៅទិញអនាគតរបស់យើង»
- 2020-01-31 02:05:58
- ចំនួនមតិ 0 | ចំនួនចែករំលែក 0
អ្នកជំនាញអចលនទ្រព្យជនជាតិកូរ៉េ «កុំគិតថាយើងទៅទិញផ្ទះ ត្រូវគិតថាយើងទៅទិញអនាគតរបស់យើង»
ចន្លោះមិនឃើញ
លោក Borne Kim អ្នកជំនាញអភិវឌ្ឍន៍អចលនទ្រព្យជនជាតិកូរ៉េ ថាអ្នកដែលចង់ទៅទិញផ្ទះ សូមកុំគិតថាខ្លួនទៅផ្ទះតែមួយមុខ ត្រូវគិតថាយើងទៅអនាគតរបស់ខ្លួនទើបប្រសើរ គិតពីការរីកដុះដាល ៣-៥ ឆ្នាំទៅមុខទៀត។
អ្នកជំនាញអចលនទ្រព្យមានបទពិសោធច្រើនឆ្នាំ និងជាអ្នកគ្រប់គ្រងក្រុមហ៊ុន JBPM Realty ខាងលើបានឲ្យដឹងថា តាមបទពិសោធកន្លងទៅរបស់លោកនៅឯសហរដ្ឋអាមេរិក កូរ៉េ និងប្រទេសជាច្រើនទៀត គឺពីមុនមានការអភិវឌ្ឍន៍ដូចទៅនិងប្រទេសកម្ពុជាអញ្ចឹងដែរ។ ជាក់ស្ដែងដូចទីក្រុងភ្នំពេញគឺកាលពី៧ឆ្នាំមុនដែលលោកទើបមកដល់ គឺមិនមានការអភិវឌ្ឍន៍ច្រើនបែបនេះទេ តាមផ្លូវគឺងងឹត និងមិនមានហេដ្ឋារចនាសម្ព័ន្ធច្រើនឡើយ មនុស្សក៏មិនច្រើនកកកុញនោះដែរ។ ចំពោះតំបន់ខាងកើតទន្លេមេគង្គវិញ គឺមានសភាពស្ងប់ស្ងាត់ មិនសូវមានផ្ទះសម្បែងច្រើនឡើយ ដូចទៅនិង ជប៉ុន អាមេរិក ពីមុនអ៊ីចឹង។
ប៉ុន្តែតាមការយល់ឃើញនៅតំបន់ខាងកើតទន្លេមេគង្គ ឬតំបន់វិហារសួគ៌នឹងមានការរីកចម្រើនខ្លាំងដូចប្រទេសជឿនលឿនដែលបានរៀបរាប់ខាងលើ ហើយជាកន្លែងដែលមានការអភិវឌ្ឍន៍ខ្លាំង ជាតំបន់ស្រស់ស្រាយ មានបរិយាកាសល្អក្នុងការរស់នៅ។ គិតដល់ពេលនេះ មានរយៈពេល៧ឆ្នាំហើយ បន្ទាប់ពីលោកបានគិតរួចមកដូច្នេះហើយ វាសល់ពេលតែ៣ឆ្នាំទៀតទេដល់ទេជាពេលដែលតំបន់នេះប្រែមុខមាត់ថ្មីហើយ ខណៈបច្ចុប្បន្នមានការរីកដុះដាលជាបណ្ដើរៗផងដែរ។
ចំណែកលោក សំ សុខនឿន តំណាង KW Sen Sok លើកឡើងស្រដៀងនេះដែរថា មិនយូរទេតំបន់វិហារសួគ៌នឹងមានការអភិវឌ្ឍន៍ខ្លាំង ដូច្នេះអ្នកដែលចង់បានលំនៅឋាន ឬដីធ្លីនៅទីនោះអាចស្រូតរកទាន់តម្លៃដីនៅទាបនៅឡើយ ព្រោះបើមានស្ពានឆ្លងកាត់ទៅត្រើយខាងកើតហើយនោះ តម្លៃនឹងឡើងគុណទ្វេដង។ ម្សិលមិញនេះដែរ KW Sen Sok Killer Williams Realty បានចុះ MOU ជាមួយខាង JBPM Realty លើគម្រោង Borey De Classic អភិវឌ្ឍន៍លើចលនទ្រព្យតំបន់វិហារសួគ៌នោះ៕