ស្ងាត់ៗ Xiaomi មានលក់ទាំងរថយន្តទៀត តែបង្កប់មុខងារពិសេសខ្លាំងខុសពីរថយន្តដទៃ
- 2020-02-05 02:37:48
- ចំនួនមតិ 0 | ចំនួនចែករំលែក 0
ស្ងាត់ៗ Xiaomi មានលក់ទាំងរថយន្តទៀត តែបង្កប់មុខងារពិសេសខ្លាំងខុសពីរថយន្តដទៃ
ចន្លោះមិនឃើញ
ក្រុមហ៊ុនប្រទេសចិន Xiaomi ក្រៅពីប្រលូកក្នុងវិស័យស្មាតហ្វូន កុំព្យូទ័រ និងគ្រឿងបរិក្ខារនៅក្នុងគេហដ្ឋាន ទៀតសោតក៏មកចូលរួមក្នុងវិស័យផលិតយានយន្តថែមទៀតផង។
ថ្មីៗនេះ Xiaomi បានប្រកាសនូវគម្រោងរថយន្តប្រភេទ SUV គឺ Bestune T77 Xiaomi Edition ដែលមានបង្កប់ឲ្យប្រើប្រាស់មុខងារឆ្លាតវៃ XiaoAI ជាពិសេសតែម្តង។
XiaoAI ជួយឲ្យអ្នកបើកបរអាចដាក់គោលដៅធ្វើដំណើរលើដងវិធី ឆ្លើយតបនូវសំណួរផ្សេងៗទាក់ទិននឹងចរាចរណ៍ ក៏ដូចជាភ្ជាប់ទៅនឹងការបញ្ជាបិទបើកឧបករណ៍គ្រឿងបរិក្ខារផ្សេងៗនៅឯគេហដ្ឋានតាមរយៈមុខងារ Smart Home System។ ជាឧទាហរណ៍ប្រសិនអ្នកភ្លេចបិទម៉ាស៊ីនត្រជាក់នៅឯផ្ទះ ហើយប្រើប្រាស់ម៉ាស៊ីនត្រជាក់របស់ Xiaomi នោះអ្នកក៏អាចបញ្ជាពីចម្ងាយក្នុងពេលធ្វើដំណើរលើរថយន្តផងដែរ។
ក្រឡេកទៅមើលកម្លាំងម៉ាស៊ីន Bestune T77 Xiaomi Edition បំពាក់នូវម៉ាស៊ីន Turbocharged ចំណុះ ១,២ លីត្រ អាចផលិតកម្លាំងបាន ១៤៣ សេះ ហើយមានប្រអប់លេខពីរប្រភេទជា MT និង AMT។
បច្ចុប្បន្នរថយន្តនេះកំពុងស្ថិតក្នុងគម្រោងអភិវឌ្ឍនិងផលិតបន្ថែម ចំពោះតម្លៃមិនទាន់មានការបញ្ជាក់ច្បាស់លាស់នៅឡើយ តែចំពោះការកុម្ម៉ង់ទិញមានដល់ទៅ ១៤០ គ្រឿងទុកជាមុនហើយ៕
អានអត្ថបទ: