លីតឺហួរ និងអាម៉ាប់ចាប់ដៃគ្នាសម្ដែងរឿងថ្មី "The Bodyguard”

2014-09-25 16:54:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងសម្ដែងល្បីឈ្មោះរបស់ហុងកុង Andy Lau (លីតឺហួរ) និងតារាក្បាច់គុនជើងចាស់ Sammo Hung (អាម៉ាប់) បានសម្ដែង រួមគ្នាក្នុងភាពយន្តថ្មីមួយមានចំណងជើងថា "The Bodyguard” ដែលក្នុងនោះ Sammo Hung សម្ដែងជាតួឯក និងជាអ្នកដឹកនាំរឿងផ្ទាល់។

(ពីឆ្វេង) អាម៉ាប់, តារាភាពយន្តអាមេរិកាំង Maggie Q, និង លីតឺហួរ

តារាសម្ដែង និងអ្នកដឹកនាំរឿងវ័យ ៦២ឆ្នាំលោក Sammo ទើបតែបង្ហើបប្រាប់សារព័ត៌មាន នៅពេលថ្មីៗនេះថា ក្នុងរឿងថ្មី "The Bodyguard” នេះ Andy នឹងចូលរួមសម្ដែងជាតួសំខាន់ម្នាក់ ជាមនុស្សញៀនល្បែង និងបានលួចគ្រាប់ពេជ្រមួយ រួចហើយក៏បោះបង់គ្រួសាររបស់ខ្លួនចោល។ ដោយឡែកលោកផ្ទាល់ នឹងសម្ដែងជាតួ អង្គរក្សចូលនិវត្តន៍ម្នាក់ ដែលត្រូវបង្ខំចិត្តចូលប្រឡូកក្នុងពិភពនៃឧក្រិដ្ឋកម្មសារជាថ្មី ដោយសារកូនស្រីរបស់ Andy។

នៅពេលសួរថា តើ Andy Lau ដែលមានវ័យ ៥២ឆ្នាំហើយនោះ អាចសម្ដែងបានគ្រប់ឈុតឆាកវាយប្រហារក្នុងភាពយន្តនេះដែរឬទេ អ្នកដឹកនាំរូបនេះបាននិយាយថា "គាត់គ្មានបញ្ហាអ្វីនោះទេ។ ម្យ៉ាងតួជំនួស (stunts) ឥលូវក៏កាន់តែមានជំនាញជាងមុនដែរ"។

បច្ចុប្បន្នភាពយន្ត "The Bodyguard” កំពុងដំណើរការថត នៅភាគខាងជើងនៅប្រទេសចិន។ ភាពយន្តនេះ នឹងអាចចាក់បញ្ចាំងនៅអំឡុងរដូវក្ដៅ (ប្រហែលខែមិថុនាំ) ឆ្នាំ២០១៥ ខាងមុខនេះ។

នេះគឺជាការសហការគ្នាជាថ្មីរវាង Andy Lau និង Sammo Hung បន្ទាប់ពីតារាទាំងពីរដួងបានសម្ដែងរួមគ្នាក្នុងរឿងសាមកុក "Three Kingdoms: Resurrection of the Dragon" តាំងពី៦ឆ្នាំមុន ៕

អាន៖ តាំងពីដើមរហូតមកដល់បច្ចុប្បន្ន នរណាជាតារាកំពូលក្បាច់គុន?

ប្រែសម្រួល៖ វ៉ាន់ថន ប្រភព៖ yahoo ,variety