ចំណុចរសើប ៣ ដែល iPhone 11 Pro Max នៅតែមានប្រៀបជាង Galaxy S20 Ultra

2020-03-04 01:49:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy S20 Ultra បានទទួលការចាប់អារម្មណ៍ច្រើនពីសំណាក់អ្នកនិយមចូលចិត្តការថតរូប ព្រោះមានចំណុចខ្លឹមត្រង់ផ្នែកកាមេរ៉ាអាច Zoom ដល់ 100x និងឡេន 108MP។ លើ S20 Ultra ធុនធ្ងន់ឆ្នាំនេះ បើធៀបនឹងគូប្រជែង iPhone អាចថាស៊ីដាច់លើផ្នែកកាមេរ៉ា និងមួយផ្សេងទៀតគឺទាក់ទិននឹងអេក្រង់ល្បឿន Refresh rate 120Hz។

យ៉ាងណាមិញក៏នៅមានចំណុចខ្លះៗដែល iPhone 11 Pro Max នៅតែមានប្រៀបជាង Galaxy S20 Ultra ហើយក្នុងនោះយើងសូមសង្ខេបនៅ ៣ ចំណុចសំខាន់ៗដូចខាងក្រោម៖

ការផ្លាស់ប្តូរពណ៌អេក្រង់ផ្អែកតាមបរិយាកាស

សមត្ថភាពអេក្រង់អាចថា Samsung ល្អជាងច្រើន តែបើនិយាយពីបច្ចេកវិទ្យាអេក្រង់គឺ iPhone 11 Pro Max អាចស៊ីដាច់ម្យ៉ាងត្រង់មុខងារផ្លាស់ប្ដូរកម្រិតពណ៌ផ្អែកតាមបរិយាកាសជុំវិញខ្លួនឲ្យឈ្មោះថា "True Tone"។

មុខងារនេះបានចេញផ្សាយតាំងពីឆ្នាំ ២០១៧ ដែលវាធ្វើឲ្យអេក្រង់ iPhone ផ្លាស់ប្តូរពណ៌បែបត្រជាក់ភ្នែកស្វ័យប្រវត្តិ មិនងាយប៉ះពាល់ដល់ភ្នែក ខណៈដែលលើ Galaxy S20 មានតែមុខងារ Blue Light Filter មួយតែប៉ុណ្ណោះ ដែលវានៅស្ទើរជាង True Tone របស់ Apple។

ការលេង Filter ពេលថត Portrait

Apple បានអភិវឌ្ឍរាងខ្ពស់ជាងគេបន្តិចលើការថត Portrait ដោយមានផ្តល់ជូនការកែប្រែ Filter ភ្លាមៗចំនួន ៦ ពណ៌មានបែប Natural, Studio, Stage, Contour Light, Stage Light, Stage Light Mono និង High-Key Light Mono លើ iPhone XS ដល់ iPhone 11 Pro Max។

បើធៀបនឹង Galaxy S20 Ultra ដែលមាន Live Focus អ្នកអាចផ្លាស់ប្តូរបានត្រឹមកម្រិត Bokeh ដែលមានប្រភេទព្រាលដាច់ខុសពីគ្នា ពោលមិនអនុញ្ញាតឲ្យកែកម្រិតពណ៌ដូចលើ iPhone ឡើយ។

iMessage សុវត្ថិភាពខ្ពស់

ចំណាំមើលអ្នកកាន់ iPhone ភាគច្រើន រមែងប្រើប្រាស់ iMessage ក្នុងការផ្ញើសារទៅកាន់មិត្តភ័ក្ដិឬសាច់ញាតិដែលមានប្រើប្រាស់ iPhone ដូចគ្នា ព្រោះវាផ្តល់ភាពងាយស្រួលនិងសុវត្ថិភាពខ្ពស់។

ដោយសារកម្មវិធីវាជាប្រភេទ End-to-end Encryption ពោលគឺអាចបញ្ចៀសរាល់ការបែកធ្លាយសារទៅដល់ដៃជនទីបី កុំថាឡើយសូម្បីតែក្រុមហ៊ុនដែលផ្គត់ផ្គង់កម្មវិធីនោះក៏ដោយ ពោលអាចមើលឃើញតែអ្នកផ្ញើនិងអ្នកទទួលមួយគត់៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា