ចប់យុទ្ធនាការលក់អាវយឺត និស្សិតខ្មែររៀននៅជប៉ុនចាប់ធ្វើក្ដារចុចឆ្លាតវៃលើប្រព័ន្ធ Android

2014-11-20 17:36:56
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក គ្រុយ វណ្ណា ដែលជានិស្សិតខ្មែររៀននៅប្រទេសជប៉ុន ដែលបានបង្កើតក្ដារចុចឆ្លាតវៃសម្រាប់ប្រើនៅលើ iOS 8 ឥឡូវបានចាប់ផ្ដើមធ្វើក្ដារចុចឆ្លាតវៃនេះសម្រាប់ប្រើនៅលើ Android ។

លោកគ្រុយ វណ្ណា បានឲ្យដឹងថា ក្នុងឱកាសពិព័រណ៍ ITET 2014 លោកបានបើកយុទ្ធនាការលក់អាវយឺតដែលមានរចនាពុម្ភអក្សរជាក្តារចុចឆ្លាតវៃដ៏ស្រស់ស្អាតលក់ទស្សនិកជន ដើម្បីយកថវិកាទៅចំណាយលើការអភិវឌ្ឍក្តារចុចវៃឆ្លាតនៅលើ Android។

លោកថា ឥឡូវលោកបានចាប់ផ្ដើមធ្វើក្ដារចុចឆ្លាតវៃនេះនៅលើប្រព័ន្ធប្រតិបត្តិការ Android បណ្ដើរៗ។ សម្រាប់ពេលវេលាអាចប្រើពេលពីរខែអាចតេស្តសាកល្បងបានហើយ។

លោកបញ្ជាក់ថា ពេលដែលក្ដារចុចនេះរួចរាល់ជាស្ថាពរ លោកនឹងដាក់ឲ្យទាញយកពី Store ដោយឥតគិតថ្លៃហើយដែលប្រិយមិត្ត Android អាចប្រើចាប់ពី Versions 4 ឡើងទៅ។

យ៉ាងណា សម្រាប់ការធ្វើកិច្ចការនេះលោកក៏មើលឃើញការប្រឈមមួយចំនួនដូចជាត្រូវសរសេរកូដសារឡើងវិញទាំងស្រុងដែលមិនអាចរៀបចំលើកូដក្ដារចុចឆ្លាតវៃដូច iOS បានឡើយ។

ចុចអាន៖ ជួយទិញអាវយឺតកូនខ្មែរនៅពិព័រណ៍ ITET យកថវិកាទៅអភិវឌ្ឍកម្មវិធីក្តារចុចលើ Android

ចុចអាន៖ និស្សិតខ្មែររៀននៅជប៉ុនបង្កើតក្ដារចុចឆ្លាតវៃជួយឲ្យការវាយអក្សរខ្មែរលឿនទ្វេដង

អត្ថបទ៖ ដារ៉ាឆានី