Samsung អះអាងពីកាន់កាប់ទីផ្សារទូរទឹកកកនៅកម្ពុជា

2014-11-20 22:39:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីដណ្តើមតំណែងកំពូលលើទីផ្សារឧបករណ៍ Tablet និងទូរទស្សន៍ ក្រុមហ៊ុន Samsung បានអះអាងថា ផលិតផលទូទឹកកករបស់ខ្លួន ក៏កំពុងតែទទួលបានចំណាត់កំពូលនៅទីផ្សារកម្ពុជានោះដែរ។

លោក សុខ ឡេង ប្រធានទំនាក់ទីផ្សារនៃក្រុមហ៊ុន Samsung បានឲ្យដឹងថា យោងតាមទិន្នន័យរបស់ GFK បានបង្ហាញថា ផលិតផលទូទឹកកករបស់ Samsung កំពុងកាន់កាប់ចំណែកទីផ្សារច្រើនជាងគេរហូតដល់ ៣៥ ភាគរយនៅកម្ពុជា បើប្រៀបធៀបផលិតផលម៉ាកដទៃទៀត។ លោកថា ទិន្នន័យនេះអាចបង្ហាញថា ផលិតផលទូរទឹកកកករបស់ Samsung បានទទួលការចាប់អារម្មណ៍និងក្លាយជាផលិតផលឈានមុខនិងជម្រើសរបស់អតិថិជនកម្ពុជាទិញយកប្រើប្រាស់។

ក្រុមហ៊ុន Samsung ថ្មីៗនេះ ទើបតែបញ្ចេញលក់ទូទឹកកកដ៏ឆ្លាតវៃបំផុតថ្មីចំនួន ២ គឺ Samsung FoodShowcase និង Samsung 3050 II ក្នុងទីផ្សារកម្ពុជា។ ទូទឹកកកស៊េរីថ្មីនេះ ត្រូវគេបញ្ជាក់ថាផលិតឡើងដោយផ្ដោតលើប្រព័ន្ធដំណើរការឆ្លាតវៃ ភាពសន្សំសំចៃខ្ពស់ ងាយស្រួល និងគិតគូរដល់បរិស្ថាន។

ចុចអាន៖ Galaxy Tab ដណ្ដើមបានចំណាត់ថ្នាក់លេខ១ក្នុងទីផ្សារកម្ពុជា

ចុចត្រង់នេះ... អានព័ត៌មានផ្សេងពី Samsung

អត្ថបទ៖ ដារ៉ាឆានី