មូលហេតុ​សំខាន់ Angelina យក Maddox មក​ចិញ្ចឹម

  • 2014-11-21 17:24:22
  • ចំនួនមតិ 14 | ចំនួនចែករំលែក 2399

ចន្លោះមិនឃើញ

កុមារ​កំព្រា​កម្ពុជា Maddox ត្រូវ​តារា​ហូលីវូដ Angelina Jolie សុំ​មជ្ឈមណ្ឌល​កុមារ​កំព្រា​មួយ មក​ចិញ្ចឹម​កាល​ពី​ឆ្នាំ​២០០២។ កត្តា​អ្វី​ខ្លះ​ដែល​ជំរុញ​ឱ្យ​តារា​ស្រី​រូប​នេះ យក Maddox មក​ចិញ្ចឹម?

 

ពេល​សុំ Maddox ពី​មជ្ឈមណ្ឌល​កុមារ​កំព្រា Angelina បាន​ឱ្យ​ដឹង​ថា៖ “ក្មេង​ប្រុស Maddox កំពុងដេក​លង់លក់។ គាត់​ភ្ញាក់​ហើយ​សើច​ដាក់​ខ្ញុំ។ ភ្លាមៗ​នោះ​ដែរ ខ្ញុំ​ឃើញ​គាត់​ញញឹម​ម្ដង​ទៀត។ ខ្ញុំ​មាន​អារម្មណ៍​ថា ពេល​នៅ​ជាមួយ​ខ្ញុំ ក្មេង​នេះ​មាន​ភាព​កក់ក្ដៅ។ គាត់​​មិន​យំ​ទាល់​តែ​សោះ​ ពេល​នៅ​ក្នុង​ដៃ​ខ្ញុំ"។ ​​

 

តារា​វ័យ​៣៩ឆ្នាំ​សញ្ជាតិ​អាមេរិក​បញ្ជាក់​យ៉ាង​ដូច្នេះថា៖" គាត់​បាន​ធ្វើ​ឱ្យ​មាន​ការ​​ផ្លាស់ប្ដូរ​អ្វីៗ​ជាច្រើន ប៉ុន្តែ​ជា​ការផ្លាស់ប្ដូរ​ក្នុង​ភាព​អស្ចារ្យ ហើយ​អ្វីៗ​ទាំងនោះ​គឺ​សុទ្ធតែ​សំខាន់។ គាត់​ជា​បេះដូង​របស់​ខ្ញុំ"។ ​

 

Angelina Jolie បន្ត​ថា នាង​រស់​នៅ​ដើម្បី​កូនប្រុស ហើយ​នាង​ចង់​ធ្វើ​ជា​ម្ដាយ​ល្អ​ម្នាក់។ "កូនប្រុស​ខ្ញុំ​ ពិត​ជា​បាន​ផ្លាស់ប្ដូរ​ជីវិត​របស់​ខ្ញុំ។ គាត់​ធ្វើ​ឱ្យ​ខ្ញុំ​មាន​សន្តិភាព  សេចក្ដី​សុខសប្បាយ ​ភាព​រីករាយ និង​គ្មាន​ភាព​វឹកវរ"។

 

ពេល​យក Maddox មក​ចិញ្ចឹម​បាន​មួយ​ឆ្នាំ ពោល​គឺ​ឆ្នាំ​២០០៣ Angelina និង​ស្វាមី Billy Bob Tornton បាន​លែង​លះ​គ្នា។ ក្រោយ​បែក​គ្នា នាង​ក្លាយ​ជា​ម្ដាយ​គ្មាន​ស្វាមី និង​បាន​ទទួល​សិទ្ធិ​ចិញ្ចឹម​ពេញ​លេញ។ ថ្ងៃ​ទី​១៩ ​ខែ​មករា ឆ្នាំ​២០០៦ Maddox បាន​ប្ដូរ​នាម​ត្រកូល​ទៅ​ជា Jolie-Pitt ពេល Angelina និង Brad Pitt ជា​ដៃគូ​គ្នា៕  

 

ចុច​អាន! តើ Maddox កូន​ចិញ្ចឹម Angelina Jolie ចេះនិយាយ​ខ្មែរ​​ឬ​អត់?

 

ចុចអាន! Angelina Jolie ប្រកាស​លា​ឈប់​ពី​អាជីព​សម្ដែង

 

ប្រែ​សម្រួល៖ អ៊ុំ សុភក្តិ ប្រភព៖ Momgelina