អាវុធនុយក្លេអ៊ែរចិនកាន់តែខ្លាំង ពេលគ្រងតំណែងមហាអំណាចសេដ្ឋកិច្ច

2014-11-21 21:17:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសចិន កំពុងគំរាមកំហែងយ៉ាងពេញទំហឹង ចំពោះការពង្រីកសក្ដានុពលអាវុធនុយក្លេអ៊ែរ និងការវាតទីដណ្ដើមយកដែនលំហអាកាស។ នេះបើតាមរបាយការណ៍ប្រចាំឆ្នាំ២០១៤ របស់គណៈកម្មការសន្តិសុខ និងសេដ្ឋកិច្ចអាមេរិក-ចិន។

កាំជ្រួចឆ្លងទ្វីប ICBMs របស់ចិន ដែលអាចបាញ់អាមេរិក

របាយការណ៍នេះបានបង្ហាញថា សមត្ថភាពអាវុធនុយក្លេអ៊ែររបស់ចិន កាន់តែមានភាពជឿនលឿន និងកើនឡើងយ៉ាងឆាប់រហ័ស។ កាលពីឆ្នាំ២០១៣ ទីបញ្ជាការប៉ង់តាហ្គោនរបស់សហរដ្ឋអាមេរិក បានប៉ានប្រមាណថា រដ្ឋាភិបាលក្រុងប៉េកាំងមានអាវុធនុយក្លេអ៊ែរឆ្លងទ្វីប ICBMs ពី ៥០ ទៅ ៧៥គ្រាប់ ដែលមានសមត្ថភាពអាចបាញ់ដល់ទឹកដីអាមេរិក។ នៅរយៈពេល ១៥ឆ្នាំទៀត កាំជ្រួចឆ្លងទ្វីបប្រភេទនេះ នឹងកើនឡើងលើសពី ១០០គ្រាប់។

ក្រៅពីពង្រឹងសមត្ថភាពអាវុធនុយក្លេអ៊ែរ ចិនក៏បានពង្រីកបេសកកម្មទន្ទ្រានកាន់កាប់ដែនលំហ តាមរយៈការបញ្ជូនយានអវកាសប្រជែងនឹងប្រទេសមហាអំណាចបច្ចេកវិទ្យានានា។ បច្ចុប្បន្នប្រទេសយក្សកុម្មុយនិស្តអាស៊ីមួយនេះ បានក្លាយជាមហាអំណាចដែនលំហអាកាសមួយ ក្នុងចំណោមប្រទេសផ្សេងៗទៀត។

ទីបញ្ជាការប៉ង់តាហ្គោនបានបង្ហាញទៀតថា បើមើលទៅលើការអភិវឌ្ឍន៍សមត្ថភាពរបស់ចិននាពេលនេះ ក្នុងរយៈពេល ៥ ទៅ ១០ឆ្នាំទៀត ប្រទេសដែលមានប្រជាជនច្រើនជាងគេលើលោក នឹងបង្កគ្រោះភ័យដល់ផ្កាយរណបសន្តិសុខជាតិអាមេរិក នៅតាមគន្លងនានាក្នុងលំហអាកាស។

លើសពីនេះទៅទៀត ក្នុងពេលឆាប់ៗខាងមុខ រដ្ឋាភិបាលក្រុងប៉េកាំងអាចនឹងមានសមត្ថភាពបាញ់កម្ទេចផ្កាយរណបណាមួយរបស់អាមេរិក។ សមត្ថភាពដ៏ខ្លាំងក្លានេះ នឹងគំរាមកំហែងយ៉ាងខ្លាំងដល់យោធាអាមេរិក ព្រោះវាអាចកាត់ផ្ដាច់ទំនាក់ទំនងរបស់មហាអំណាចយោធាតាមប្រព័ន្ធ GPS និងផ្កាយរណប។

សព្វាវុធចិនក្នុងពេលព្យុហយាត្រានាពេលកន្លងមក

កាលពីដើមខែតុលាកន្លងទៅ ចិនបានធ្វើឲ្យពិភពលោកភ្ញាក់ផ្អើលម្ដងរួចមកហើយ ពេលប្រទេសយក្សអាស៊ីនេះ ឆក់យកតំណែងមហាអំណាចសេដ្ឋកិច្ចពិភពលោកពីសហរដ្ឋអាមេរិក ដែលធ្លាប់កាន់កាប់ ១៤២ឆ្នាំ៕

ចុចអាន៖ ចិនវ៉ាដាច់អាមេរិកក្លាយជាមហាអំណាចសេដ្ឋកិច្ចធំជាងគេលើលោក

ប្រែសម្រួល៖ គង់ វិសាល

ប្រភព៖ businessinsider