អ្នក​គាំទ្រ​​​ Manchester United ​មួយ​ក្រុម ​​នឹង​បង្កើត​យុទ្ធនាការ​មួយ​ ដោយ​លើក​ស្លាក​បដា​​ដែល​សរសេរ​ថា​ “Come home Ronaldo” ​នៅ​ក្នុង​ការ​ប្រកួត​រវាង​ Real Madrid និង Villarreal ថ្ងៃ​សៅរ៍​ខាង​មុខ​នេះ ក្នុង​ចេតនា​ឲ្យ​វីរបុរស​របស់​ខ្លួន​វិល​មក​កាន់ Old Trafford វិញ។

ចុច​អាន៖ ហេតុផល​រសើប​ដែល​ CR7 ​អាច​​​ផ្លាស់​មក​ Man Utd ​វិញ​

Ronaldo អបអរ​ក្រោយ​ស៊ុត​បញ្ចូល​ទី Elche យប់​ម្សិលមិញ (រូបភាព​ផ្ដល់​សិទ្ធិ​ដោយ AFP)

ចុច​អាន៖ CR7 ​ជា​កីឡាករ​ម្នាក់​ដែល​ Arsene Wenger ​ស្ដាយ​បំផុត​ក្នុង​ជីវិត​

ក្រុម​អ្នក​គាំទ្រ​ស្លាប់រស់​របស់​បិសាច​ក្រហម​ដែល​ដាក់​ឈ្មោះ​ខ្លួន​ឯង​ថា United Reel នោះ​ ក៏​បាន​រៃអង្គាស​ថវិកា​ខ្លះ​នៅ​មុន​ការ​ប្រកួត​ផង​ដែរ។ សេចក្ដី​ប្រកាស​របស់​ក្រុម​នេះ​បាន​ឲ្យ​ដឹង​ថា៖ “United Reel ​មាន​អ្នក​គាំទ្រ​សកម្ម​នៅ​​គ្រប់​ទីកន្លែង​​ទូទាំង​​ពិភព​លោក ​ហើយ​យើង​សុទ្ធ​តែ​ស្រលាញ់ Cristiano ដូច​​​គ្នា មិន​ថា​​លើ​ទីលាន ឬ​ក្រៅ​ទីលាន​នោះ​ឡើយ។ យើង​រួបរួម​គ្នា​ដើម្បី​បង្ហាញ​ពី​អារម្មណ៍​ពួក​​យើង ហើយ​យើង​នឹង​មិន​ឈប់​នោះ​ទេ រហូត​​ Ronaldo ត្រលប់​មក​វិញ"។

ការ​ចាប់​ផ្ដើម​យុទ្ធនាការ​អន្ទង​ចិត្ត​ CR7 នៅ​ពេល​នេះ គឺ​ក្រោយ​ពី​មាន​ពាក្យ​ចចាមអារ៉ាម​ថា​កីឡាករ​ព័រទុយហ្គាល់ វ័យ​២៩ឆ្នាំ អាច​នឹង​វិល​មក​កាន់​ Man Utd វិញ។ នៅ​ក្នុង​ពាក្យ​ចចាមអារ៉ាម​នោះ ​​បញ្ជាក់​ថា​​អតីត​ប្រធាន​ក្លិប Real Madrid លោក Ramon Calderon ​បាន​អះអាង​ថា​ម្ចាស់​ពាន​កីឡាករ​ល្អ​បំផុត​​ប្រចាំ​ទ្វីប​អឺរ៉ុប​រូប​នេះ​មិន​សប្បាយ​ចិត្ត​នឹង​ជីវិត​នៅ​ទឹក​ដី​ Santiago Bernabeu ​ក៏​ដូច​ជា​មិន​ពេញ​ចិត្ត​នឹង​គោល​ការណ៍​របស់​ប្រធាន​ក្លិប​ Florentino Perez៕

ចុច​អាន៖ Ronaldo ស៊ុត​ចូល​ ៤គ្រាប់​ម្នាក់​ឯង (វីដេអូ)

យ៉ាង​នេះ​ក្ដី​ Ronaldo បាន​ចេញ​មក​​បដិសេធ​​ចំពោះ​​ពាក្យ​អេចអូច​ទាំង​នោះ​​​តាម​រយៈ​កាសែត​អេស្ប៉ាញ AS ហើយ​ថា៖ "វា​គ្រាន់​តែ​ជា​ការ​ប៉ាន់ស្មាន​ប៉ុណ្ណោះ អនាគត​របស់​ខ្ញុំ​គឺ​នៅ​ Madrid ​ហើយ​ខ្ញុំ​សប្បាយ​រីករាយ​នៅ​ទី​នេះ។ រដូវ​កាល​នេះ​ដំណើរការ​​បាន​យ៉ាង​​ល្អ​ ហើយ​ខ្ញុំ​មិន​និយាយ​ពី​​រឿង​អនាគត​ទៀត​ទេ​”។

​ចុច​អាន៖ គ្រាប់​ទី​១​របស់ Di Maria និង CR7 នៅ Man Utd ស្រដៀង​គ្នា? (វីដេអូ)

ប្រែ​សម្រួល​៖ សុខ មុន្នីរម្យ

ប្រភព៖ goal