Fans ភាគច្រើនចង់ឲ្យ Wenger ចេញពី Arsenal?
- 2014-11-24 17:06:10
- ចំនួនមតិ 0 | ចំនួនចែករំលែក 0
Fans ភាគច្រើនចង់ឲ្យ Wenger ចេញពី Arsenal?
ចន្លោះមិនឃើញ
តាមការបោះឆ្នោតស្ទង់មតិរបស់ប្រិយមិត្តអ្នកអានគេហទំព័រកីឡា Goal កាលពីថ្ងៃសៅរ៍បានឲ្យដឹងថាមតិដល់ទៅជាង៧៥ភាគរយ ចង់ឲ្យអ្នកចាត់ការ Arsenal លោក Arsene Wenger ចាកចេញពីតំណែង ក្រោយដឹកនាំក្រុមកាំភ្លើងធំ ចាញ់បិសាចក្រហម Manchester United ក្នុងដីខ្លួនឯង។
ក្នុងចំណោមអ្នកចូលរួមបោះឆ្នោតសរុបចំនួន៦៥៣១នាក់ មាន៤៨៨៣នាក់ ស្មើនឹង ៧៤,៧ភាគរយ ចង់ឲ្យ Wenger ចេញ ខណៈមានតែ ២១,៨ ភាគរយ (១៤២៧នាក់) ប៉ុណ្ណោះ ដែលបោះឆ្នោតឲ្យនៅបន្តទៀត និងនៅសល់ចំនួន២២១នាក់ទៀត និយាយថា "អត់ដឹង"។
ការឈ្នះពានក្នុងស្រុកមួយកាលពីរដូវកាលមុន ជាការឈ្នះពានលើកដំបូង បន្ទាប់ពីក្លិបនេះបានធ្លាក់ចុះក្នុងរយៈពេល៩ឆ្នាំមកហើយ ខណៈ Manchester City និង Chelsea បានរីកចម្រើនទៅមុខ ហើយឈ្នះពានជាបន្តបន្ទាប់នៅរយៈកាលចុងក្រោយនេះ។
ក្លិបមានមូលដ្ឋាននៅភាគខាងជើងក្រុងឡុងដុងមួយនេះមិនដែលបានបញ្ចប់នៅលំដាប់លេខរៀងខ្ពស់ជាងលេខបីនោះទេតាំងពីឆ្នាំ២០០៤-២០០៥ មក ហើយបានជាប់នៅលេងពាន UEFA Champions League ជាច្រើនដងដែរ តែមិនដែលឆ្លងផុតវគ្គ១៦ក្រុមចុងក្រោយនោះទេ ក្នុង៤រដូវកាលចុងក្រោយ។
ការចាញ់បិសាចក្រហម ១-២ កាលពីថ្ងៃសៅរ៍នៅក្នុងផ្ទះ បានធ្វើឲ្យក្រុមមួយនេះឈរលេខ៨តាមពីក្រោយក្លិបកំពូលតារាង Chelsea ១៥ពិន្ទុ។
បន្ទាប់ពីដឹកនាំ Arsenal តាំងពី ឆ្នាំ១៩៩៦មក លោកធ្លាប់ឈ្នះ១៣ពានរង្វាន់ ក្នុងនោះមាន Premier League ៣ដង, FA cups ៥ដង និងCommunity Shields ៥ដង។
សម្រាប់ប្រិយមិត្ត Sabay វិញ ចង់ឲ្យ Wenger ចាកចេញឬយ៉ាងណា?
ប្រែសម្រួល៖ អូន សៅណាត
ប្រភព៖ goal