ខ្មោចតៃហោង...លងបះសក់!

2014-11-24 18:48:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាស់ៗប្រាប់ថា បើដើរពេលយប់ មិនឱ្យគិត ឬនិយាយរឿងខ្មោចព្រាយបិសាចឡើយ ព្រោះវាអាចនឹងកើតឡើងមែន។ ជាក់ស្ដែង រឿងរ៉ាវខាងក្រោមនេះ ជាអត្ថបទរបស់មិត្តអ្នកអានម្នាក់ បានផ្ញើរទៅកាន់គេហទំព័រ Yourghoststories ដើម្បីចែករំលែករឿងខ្មោចក្នុងសម័យខ្មែរក្រហម។

ក្នុងសម័យខ្មែរក្រហម ព្រោះតែឃ្លានពេក ក្មេងមួយក្រុមបាននាំគ្នាចូលព្រៃរកអាហារ។ ចូលជ្រៅបន្តិច ពួកគេឃើញដើមស្វាយ១ដើម មានផ្លែល្អៗរួចឡើងបេះ។

ភ្លាមៗនោះក្មេងម្នាក់ស្រែកខ្លាំងៗថា "ខ្មោច!” ឮដូច្នេះពួកគេបានលោតចុះទាំងព្រលឹងចុងសក់ ហើយរត់ដាក់មេភាយ បាតជើងសព្រាត។ ខណៈពេលកំពុងរត់ ក្មេងប្រុសម្នាក់និយាយថា "កុំងាកក្រោយ!”។ ស្រាប់តែម្ដាយមីងខ្ញុំមើលក្រោយ ហើយក៏ឃើញស្រីម្នាក់ស្លៀក ស សក់វែងអូសដី មុខអាក្រក់ ឃើញហើយចាំមិនភ្លេច។

ហេតុតែភ័យខ្លាំងពេក ពួកគេទាំងអស់គ្នាចេះតែរត់ រត់យកតែមែនទែន។ ចំណែកម្ដាយមីងខ្ញុំនៅក្រោយគេបានដួល ហើយមិត្តភ័ក្ដិម្នាក់របស់គាត់ចាប់គាត់លើកឡើង ស្រែកយំ យ៉ៃ រហូតដល់ភូមិ។

ពីរថ្ងៃក្រោយមីងខ្ញុំ ចាប់ផ្ដើមធ្លាក់ខ្លួនឈឺ ជ្រុះសក់ស្ទើរទំពែក។ ច្រើនខែកន្លងផុត គាត់ស្រក់ទម្ងន់ស្រឺតៗ រហូតអ្នកភូមិសុំយាយតាខ្ញុំរកគ្រូមើល។ គ្រូមន្តអាគមមកដល់ បានប្រាប់យាយតាខ្ញុំថា គាត់ត្រូវព្រលឹងខ្មោចធ្វើបាប។ ក្រោយព្យាបាលជាសះស្បើយហើយ លោកគ្រូបានប្រាប់ថា ព្រលឹងខ្មោចនោះ ជាព្រលឹងស្រីមានផ្ទៃពោះម្នាក់ ដែលបានសម្លាប់ខ្លួន ព្រោះតែខូចចិត្តប្ដីមានស្រីថ្មី និងចុះចោលនាង។

លោកគ្រូមន្តអាគមបញ្ជាក់ថា បើទៅម៉ោង១២យប់ ដល់ ៦ព្រឹក ពួកយើងនឹងឃើញខ្មោចស្រីនោះ នៅលើដើមស្វាយច្រៀងបំពេកូន ហើយនាងនឹងធ្វើបាបអ្នកណាដែលឆ្លងកាត់។

បញ្ជាក់៖ អ្នកសរសេរ និងផ្ញើអត្ថបទនេះ មិនមែនជាអ្នកជួបហេតុការណ៍នេះផ្ទាល់ទេ៕

ជំនឿឆ្មាខ្មៅកន្លងសព ស្ដាប់ហើយព្រឺក្បាលខ្ញាក!

អ្នកមមើមិនអីឡើយ តែអ្នកបន្ថែមល្បោយ ធ្វើឱ្យគេផ្អើលពេញភូមិ!

ប្រែសម្រួល៖ អ៊ុំ សុភក្តិ ប្រភព៖ Yourghoststories