ខ្មែរមួយរួបទទួលបានពានរង្វាន់ "បុរសប្រចាំឆ្នាំ " (Man of the Year)

2014-11-25 00:24:38
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សុក ស៊ីផាន់ណា ទីប្រឹក្សារាជរដ្ឋាភិបាលកម្ពុជា បានទទួលពានរង្វាន់ "បុរសប្រចាំឆ្នាំ” (Man of the Year Brand Icon Leadership Award 2014) នៃភាពជាដឹកនាំ The BrandLaureate Brand ICON Leadership Awards ពីមូលនិធិ Asia Pacific Brands Foundation នៅទីក្រុងគួឡាឡាំពួរ ប្រទេសម៉ាឡេស៊ី កាលពីពេលថ្មីៗនេះ។

ពានរង្វាន់នៃភាពជាអ្នកដឹកនាំ ជាការផ្តល់កិត្តិយស និងទទួលស្គាល់អ្នកដឹកនាំដ៏អស្ចារ្យ ដែលបានរួមចំណែក ក្នុងប្រទេសជាតិ និងសហគមន៍តាមរយៈមុខជំនាញពិសេសរបស់ពួកគាត់។ ពាន់រង្វាន់នេះត្រូវបានបង្កើតឡើង នៅឆ្នាំ២០០៦ ដោយអតីតនាយករដ្ឋមន្ត្រីម៉ាឡេស៊ី លោក Mohathir Mohamad។

លោក សុក ស៊ីផាន់ណា បានទទួលពានរង្វាន់ ដោយផ្ទាល់ពីលោកបណ្ឌិត K K Johan ដែលជាប្រធាន ពានរង្វាន់ នៃភាពជាអ្នកដឹកនាំ "The BrandLaureate Brand ICON Leadership Awards" និងអ្នកឈ្នះកាលពីឆ្នាំមុន YBhg Tan Sri Dato' Dr Jemilah Mahmood ។

ពានរង្វាន់ខាងលើត្រូវបានប្រគល់មកឲ្យបុរស និងស្ត្រីដែលមានការតំាងចិត្ត និងមានឆន្ទៈមុតមំា ក្នុងការបង្ហាញផ្លូវ និងផ្តល់ជាកេរ្តិ៏ដំណែលទៅកាន់កូនចៅជំនាន់ក្រោយ។ រង្វាន់ដែលពោរពេញដោយសក្តានុភាពនេះជាកិត្តិយសដ៏ល្បីល្បាញសម្រាប់អ្នកដឹកនំាដ៏ល្អបំផុតមកពីប្រទេស និងឧស្សាហកម្មដែលមានឥទ្ធិពលទៅលើកំណើនសេដ្ឋកិច្ច និងការអភិវឌ្ឍរបស់ជាតិខ្លួន។

ដោយសរសេរអធិប្បាយលើបណ្តាញសង្គម លោក សុក ស៊ីផាន់ណា បានលើកឡើងថា ការទទួលពានរង្វាន់នេះជាកិត្តិយសដល់ការការរួមចំណែករបស់លោក ក្នុងការអភិវឌ្ឍប្រព័ន្ធច្បាប់នៅកម្ពុជា ជាពិសេសច្បាប់ពាណិជ្ជកម្ម និងការវិនិយោគ ហើយជាកិត្តិយសដល់ការងាររបស់លោកសម្រាប់ប្រទេសជាតិទៅលើការផ្សព្វផ្សាយពាណិជ្ជកម្ម គោលនយោបាយពាណិជ្ជកម្ម ការអភិវឌ្ឍពាណិជ្ជកម្ម និងការធ្វើសមាហរណកម្មសេដ្ឋកិច្ច។

លោកបានបន្ថែមថា ពានរង្វាន់នេះក៏ជាការទទួលស្គាល់ពីកិច្ចខិតខំប្រឹងប្រែងរបស់លោកជាមួយអង្គការអន្ដរជាតិដូចជា កម្មវិធីអភិវឌ្ឍន៍សហប្រជាជាតិ (UNDP) ធនាគារពិភពលោក និងធនាគារអភិវឌ្ឍន៍អាស៊ី ក្នុងការប្រឹក្សាយោបល់ផ្សេងៗ។ នេះជាកិត្តិយសដ៏ខ្ពង់ខ្ពស់ ក្នុងការបម្រើប្រទេសជាតិ និងទទួលបាននូវពានរង្វាន់ដ៏ពិសេសដើម្បីតំណាងឲ្យប្រទេសកម្ពុជា។

អត្ថបទ៖មៃ សុខលីម

ពាក្យទាក់ទង

ជីវិតជោគជ័យ

អត្ថបទពេញនិយម

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

មកដឹងពីអាហារផ្ដល់សុខភាពរាងកាយ ការពារពីការឆ្លងវីរុសផ្សេងៗ

ដឹងទេ! តើកម្ពុជា មានក្រុង ស្រុក ខណ្ឌ ចំនួនប៉ុន្មាននៅទូទាំងប្រទេស?

កម្ពុជា អាចមានភ្លៀងធ្លាក់ រយៈពេល៣ថ្ងៃ

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

ការប្រកួតមិត្តភាពវ័យចាស់កម្ពុជា នឹងវ័យចាស់ សិង្ហបុរី ជាការតេស្តសមត្ថភាពត្រៀមជួបវ័យចាស់ថៃ និងវៀតណាម

រំភើប! ក្រុមចម្រៀងដ៏ល្បី La Cima Cartel ប្រកាសធ្វើ Solo Concert មានសិល្បករជាតិ-អន្តរជាតិចូលរួមជាច្រើន

បញ្ជុះតម្លៃរហូតដល់ ៥០០០$ ក្នុងពិធីសម្ពោធដាក់លក់ជាផ្លូវការនូវ ម៉ូដែល JETOUR TRAVELLER T2 ២០២៥

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

ព្រឹត្តិការណ៍ ប្រចាំឆ្នាំ “តោះ! ដើរឡើងភ្នំបូកគោ ដើម្បីសុខភាពកុមារ” ដើម្បីរៃអង្គាសថវិកា ឧបត្ថម្ភដល់ មន្ទីរពេទ្យកុមារអង្គរខេត្តសៀមរាប

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga