សម្ដេច ហ៊ុន សែន ចូលបច្ច័យបុណ្យ ៧ ថ្ងៃ សរ សុភា ២ ពាន់ដុល្លារ

2014-11-27 23:32:14
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្ដេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចូលបច្ច័យចំនួន ២ ពាន់ដុល្លារសហរដ្ឋអាមេរិក ក្នុងពិធីបុណ្យ ៧ ថ្ងៃរបស់សពអ្នកចាំទីដៃស្អិត សរ សុភា ដែលកំពុងតែរៀបចំឡើងនៅបរិវេណវត្ត នាគវ័ន ក្នុងខណ្ឌទួលគោក។

ឯកឧត្តម ឌី វិជ្ជា ប្រធានក្លិបខេត្តស្វាយរៀង (អាវស កណ្ដាល)

លោក សំ វ៉ាន់ដេត គ្រូបង្វឹកបង្គោលប្រចាំក្លិបខេត្តស្វាយរៀង ដែលជាអាណាព្យាបាលកីឡាករ សរ សុភា បានប្រាប់ថា សម្ដេច ហ៊ុន សែន បានចូលបច្ច័យរំលែកទុក្ខក្នុងពិធីបុណ្យ ៧ ថ្ងៃ តាមរយៈឯកឧត្តម ឌី វិជ្ជា ប្រធានក្លិបជួរមុខក្នុងស្រុកមួយនេះ។ ចំណែកឯកឧត្ដមប្រធានក្លិបបានធានាចេញបច្ច័យទាំងស្រុងជំនួសគ្រួសារសព ក្នុងពិធីបុណ្យនេះដែលចាប់ផ្ដើមនៅល្ងាចថ្ងៃទី ២៧ វិច្ឆិកា ឆ្នាំ ២០១៤ នេះ ហើយនឹងបញ្ចប់នៅព្រឹកស្អែក។

សម្រាប់សាច់ញាតិ មិត្តភក្តិបងប្អូន ឬ មិត្តកីឡារួមអាជីព ចង់ចូលរួមក្នុងពិធីបុណ្យ ៧ ថ្ងៃនេះសូមអញ្ជើញទៅតាមពេលវេលា និង ទីកន្លែងដែលកំពុងតែរៀបចំ៕

អត្ថបទពាក់ព័ន្ធ៖ ព័ត៌មានបន្ថែម ជុំវិញការស្លាប់អ្នកចាំទី សរ សុភា