យល់ស្របឬអត់ថា Neymar ខ្លាំងដូចវីរបុរសប្រេស៊ីល Romario?
- 2014-09-26 22:34:46
- ចំនួនមតិ 0 | ចំនួនចែករំលែក 0
យល់ស្របឬអត់ថា Neymar ខ្លាំងដូចវីរបុរសប្រេស៊ីល Romario?
ចន្លោះមិនឃើញ
Dunga គ្រូបង្វឹកជម្រើសជាតិប្រេស៊ីល បានប្រដូចប្រធានក្រុមជម្រើសជាតិថ្មី Neymar ទៅនឹងវីរបុរសបាល់ទាត់ប្រេស៊ីល Romario។ ការប្រៀបធៀបនោះ គឺមិនមែនសំដៅទៅលើរូបរាង មុខមាត់អ្វីនោះទេ ប៉ុន្តែទៅលើសមត្ថភាពប្រកួត និងភាពជាអ្នកដឹកនាំនៅលើទីលាន។
Neymar កាលនៅ World Cup 2014 (រូបភាពផ្ដល់សិទ្ធិដោយ AFP)
ទោះបីប្រេស៊ីលមិនសូវជោគជ័យក្នុងឆ្នាំ២០១៤ក្ដី ក៏គ្រូបង្វឹកដែលធ្លាប់លេងជាមួយ Romario ក្នុងក្រុមជម្រើសជាតិប្រេស៊ីលនៅ World Cup ឆ្នាំ១៩៩៤ រូបនេះ បាននិយាយកោតសរសើរ Neymar ថា៖ "Neymar គឺជាប្រធានក្រុមដែលពេញដោយបច្ចេកទេស ហើយជាកីឡាករលេចធ្លោក្នុងក្រុមប្រេស៊ីល ក៏ដូចជាពិភពបាល់ទាត់ទាំងមូល។ គាត់ជាកីឡាករដែលចូលចិត្តការប្រកួតប្រជែង និងចង់ឈ្នះគ្រប់ពេល។ គាត់ស្រដៀងគ្នាទៅនឹងអ្វីដែល Romario ធ្លាប់ធ្វើកន្លងមក"។
ចុចអាន៖ ប្រុសស្អាតទាំង១០ក្នុងពិភពបាល់ទាត់ CR7 លេខ១ ឯ Beckham លេខ២
Romario ពេលលេងឲ្យក្រុមជម្រើសជាតិប្រេស៊ីល ឆ្នាំ២០០១ (រូបភាពផ្ដល់សិទ្ធិដោយ AFP)
Romario បានចូលនិវត្តន៍ពីក្រុមជម្រើសជាតិប្រេស៊ីលនៅឆ្នាំ២០០៥ ក្រោយរកគ្រាប់បាល់បាន៥៥គ្រាប់ ក្នុងការបង្ហាញខ្លួន៧០ប្រកួត។ ចំណែក Neymar បានជាប់ជម្រើសជាតិតាំងពីឆ្នាំ២០១០មក ហើយអាចរកបាន៥៦គ្រាប់ ក្នុងការចូលលេង៣៦ប្រកួត។
តើប្រិយមិត្តយល់ស្របចំពោះការប្រៀបធៀបរបស់ Dunga ដែរឬទេ?
គ្រូបង្វឹកប្រេស៊ីល Dunga (រូបភាពផ្ដល់សិទ្ធិដោយ AFP)
ចុចអាន៖ អ្នកគាំទ្រ Man Utd នឹងលើកស្លាក “Come home Ronaldo” ពេល Real ប៉ះ Villarreal
អត្ថបទ៖ អូន សៅណាត
ប្រភព៖ Bleacher Report
រូបភាពផ្ដល់សិទ្ធិដោយ AFP