​Archos បាន​បញ្ចេញ​​Smartphone របស់​ខ្លួន​ម្ដង​ដល់​ទៅ​ពីរ​ម៉ូដែល​ព្រម​គ្នា​គឺ​ 45c និង​ 45b Platinum ​ដែល​មាន​លក្ខណៈ​សម្បត្តិ​ធុន​មធ្យម ​និង​មាន​តម្លៃ​ធូរ​ថ្លៃ។

 

​Archos 45b Platinum បាន​បំពាក់​មក​ជាមួយ​បច្ចេកវិទ្យា​ MediaTek MT6582 SoC ​​និង​ដំណើរ​ការ​ដោយ​ CPU​ប្រភេទ​ quad-core ដែល​មាន​ទំហំ​ល្បឿន​ 1.3GHz។ ម៉ូដែល​នេះ​មាន​អេក្រង់​ទំហំ​ ៥​ អ៊ីញ​ ((960 x 540) ​​ប្រភេទ​ IPS Display ដែល​អាច​បង្ហាញ​រូបភាព ​និង​វីដេអូ​បាន​ច្បាស់​ល្អ​ក្នុង​កម្រិត​ 1080p។ ​កាមេរ៉ា​ក្រោយ​មាន​ទំហំ​ 8MP និង​មាន​អង្គ​ចងចាំ​ 4GB តែ​អាច​បន្ថែម​ Memory Card ពី​ក្រៅ​បាន។ Archos 45b Platinum​ មាន​កម្រិត​ថាមពល​ថ្ម 1900mAh។

 ​Archos 45b Platinum

​ម៉ូដែល​ទី​២​គឺ​ Archos 45c Platinum ដែល​ដំណើរ​ការ​ជាមួយ​ CPU ​ប្រភេទ​ ​ quad-core មាន​ទំហំ​ល្បឿន​ 1.3GHz និង​បំពាក់​អេក្រង់​ទំហំ​ ៤,៥ អ៊ីញ​ (FWVGA IPS Display)។ ​វា​មាន​កាមេរ៉ា​ក្រោយ​ទំហំ​ 5MP ​និង​មាន​សមត្ថភាព​បង្ហាញ​វីដេអូ​ក្នុង​កម្រិត​ 1080p។ Archos 45c Platinum​ មាន​អង្គ​ចងចាំ​ 4GB ហើយ​​មាន​​Card Slot សម្រាប់​បន្ថែម​ Memory Card ពី​ក្រៅ​ ព្រម​ទាំង​​មាន​កម្រិត​ថាមពល​ថ្ម​ 1700mAh។

 Archos 45c Platinum

​ម៉ូដែល​ទាំង​ពីរ​ខាង​លើ​នេះ​ដំណើរ​ការ​ដោយ​ប្រព័ន្ធ​ប្រតិបត្តិការ​ Android 4.4 KitKat ​ហើយ​ចាប់​ផ្ដើម​​ដាក់​លក់​​ពី​ពេល​នេះ​ត​ទៅ​ដោយ​ Archos 45b Platinum មាន​តម្លៃ​ ១៩៩ ដុល្លារ និង​ Archos 45c Platinum​ មាន​តម្លៃ​ ៩៩​ ដុល្លារ​តែ​ប៉ុណ្ណោះ៕

អាន៖ ​​តម្លៃដើម​ iPhone 6 អស់​ប៉ុណ្ណឹង​សោះ ម៉េច​លក់​​ជាង ១ពាន់​ដុល្លារ?

 

​ប្រែ​សម្រួល​៖​ សែម​ សុធារិទ្ធ ​ប្រភព៖​ gsmarena