Vespa ម៉ូតូល្បីទសវត្សរ៍ឆ្នាំ៧០ បច្ចុប្បន្នទាំងខ្មែរ និងបរទេសនៅតែនិយមចូលចិត្តជិះ

2014-12-03 02:44:28
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតមកទល់ពេលនេះ វត្តមានម៉ូតូ Vespa នៅក្នុងស្រុកខ្មែរមានមិនច្រើនគ្រឿងប៉ុន្មានទេ តែបើនិយាយពីការចូលចិត្ត ឃើញថា ទាំងជនជាតិខ្មែរ និងបរទេស ស្គាល់ និងចូលចិត្តជិះ ម៉ូតូម៉ាកល្បីផលិតរបស់អ៊ីតាលីនេះ មិនចាញ់ម៉ាកម៉ូតូល្បីៗផ្សេងទៀតប៉ុន្មានឡើយ។

លោក Nicolas Chabanier ជនជាតិបារាំង ដែលជាប្រធានក្រុមម៉ូតូ Phnom Penh Vespa Club នៅកម្ពុជាបញ្ជាក់ថា៖ "វាជាក្ដីរំភើបរីករាយមួយ ដែលពួកយើងអាចប្រមូលផ្ដុំ អ្នកស្រលាញ់ចូលចិត្ត ជិះម៉ូតូ Vespa ស៊េរីចាស់ៗនេះឡើយ ក្នុងទីក្រុងភ្នំពេញ"។

លោកថ្លែងឲ្យដឹងទៀតថា "កាលបង្កើត Club ក្នុងឆ្នាំ២០១៣ យើងមានសមាជិកនៃក្រុមអ្នកជិះម៉ូតូ Vespa ត្រឹមតែ៣៦នាក់ប៉ុណ្ណោះ តែពេលនេះកើនឡើងដល់ ៤៥នាក់ហើយ"។

ពាក់មួកកន្តឹប លេងវែនតាខ្មៅ និងលេងស្តាយស្លៀកពាក់ ចេញមក ស្រដៀងទៅនឹងយុវវ័យសម័យឆ្នាំ៧០ លោក សុភាល័យ ប្រាប់ Sabay ថា៖ "ពួកខ្ញុំសុទ្ធតែជាអ្នកនិយមចូលចិត្តម៉ូតូម៉ាក Vespa នេះ ហេតុនេះហើយ ទើបពួកយើងបង្កើតឲ្យមានក្រុម មានទាំងជនជាតិខ្មែរ និងបរទេស។ ម្ដងម្កាល ពួកយើងតែងតែជិះម៉ូតូ Vespa កម្សាន្តលេងជាក្រុមក្នុងរាជធានីភ្នំពេញ"។