តាប៊ុយ អ្នកគ្រប់គ្រងកម្មវិធីលេចធ្លោម្នាក់នៅ MYTV

2014-12-03 16:50:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនត្រឹមតែជាពិធីករល្បីឈ្មោះប៉ុណ្ណោះទេ តាប៊ុយ ថែមទាំងជាអ្នកគ្រប់គ្រងកម្មវិធីដ៏លេចធ្លោម្នាក់នៅស្ថានីយទូរទស្សន៍ MYTV។

ជាអ្នកគ្រប់គ្រងកម្មវិធីដ៏លេចធ្លោម្នាក់ ដោយសារតែពិធីកររូបនេះ គ្រប់គ្រងកម្មវិធី ៤ ផ្សេងគ្នាក្នុងពេលតែមួយមាន ដូចជា កម្មវិធីពេញចិត្តឬអត់? កម្មវិធី Mr. & Miss Talk Show កម្មវិធី Ola La និង កម្មវិធីរង្វាន់ទេវតា។

ពិធីករ តាប៊ុយ ក្នុងកម្មវិធីកាលពីពេលកន្លងទៅ

តាប៊ុយ បានបង្ហាញអារម្មណ៍សប្បាយរីករាយដោយអ្នកគ្រប់គ្រងផ្ដល់ទំនុកចិត្ត ឱ្យខ្លួនកាន់កាប់កម្មវិធីល្អៗ ៤ក្នុងពេលតែមួយដូច្នេះ។

លោក និយាយថា៖ "អារម្មណ៍សប្បាយ គឺលើសពីសប្បាយទៀតបង ព្រោះនេះជាអ្វីដែលខ្ញុំប៉ងប្រាថ្នា និង ចង់ឱ្យវាជោគជ័យព្រមគ្នាតែម្ដង"។

ដោយសារតែផ្ដោតអារម្មណ៍ខ្លាំងលើការគ្រប់គ្រងកម្មវិធីទាំង៤នៅ MYTV ពិធីករទទួលបានពានពីរឆ្នាំជាប់គ្នាពីកម្មវិធីអាណាចក្រតារាកាលពីកន្លងទៅ អះអាងថាលោកមិនមានពេលផ្ដោតអារម្មណ៍លើការធ្វើជាពិធីករ ក៏ដូចជាការសម្ដែងភាពយន្តដូចមុនទៀតឡើយ។

ពិធីកររូបនេះបន្តថានៅដើមឆ្នាំ២០១៥ ខាងមុខលោកនឹងគ្រប់គ្រងកម្មវិធីថ្មីមួយទៀត ជឿជាក់ថានឹងអាចទទួលការចាប់អារម្មណ៍ច្រើនពីទស្សនិកជន។

“ខ្ញុំប្រហែលជាលុបកម្មវិធីរង្វាន់ទេវតាមួយចេញ ហើយបន្ថែមកម្មវិធីថ្មីមួយមកវិញនៅឆ្នាំ២០១៥។ ខ្ញុំជឿជាក់ថាកម្មវិធីថ្មីនឹងធ្វើឱ្យទស្សនិកជនកាន់តែចាប់អារម្មណ៍ជាងមុន"។ ពិធីករ តាប៊ុយ បន្ថែម។

តាប៊ុយ ជាពិធីករល្បីឈ្មោះម្នាក់ប្រចាំស្ថានីយទូរទស្សន៍ MYTV ក៏ដូចជាក្នុងស្រទាប់មិត្តៗយុវវ័យ។ ប្រការមានប្រជាប្រិយភាពខ្ពស់ដូច្នេះបានធ្វើឱ្យលោកឈ្នះពានពីរឆ្នាំជាប់គ្នាក្នុងកម្មវិធីអាណាចក្រតារា ជាពិធីករមានប្រជាប្រិយភាពប្រចាំឆ្នាំ កាលពីឆ្នាំ២០១២ និងឆ្នាំ២០១៣កន្លងទៅ៕

អានអត្ថបទបន្ត៖ តើនរណានៅពីក្រោយខ្នង ឈិត សុជាតា បើកក្រុមហ៊ុន

អានអត្ថបទបន្ត៖ អស្ចារ្យមែន! កូនខ្មែរឡើងបញ្ចេញក្បាច់គុនលើឆាក Britain’s

អានអត្ថបទបន្ត៖ ស៊ិន រតនា មិនមែនជាប្រធានក្រុមម៉ូដែលទេ ប៉ុន្តែបើចង់បានម៉ូដែលប៉ុន្មានក៏បាន