គាប់ជួនទៀតតារាខ្មែរពីរដួងសុខចិត្តអត់ខ្លួនឯងយកអាហារជួយជនអនាថាក្នុងថ្ងៃតែមួយ

2014-12-03 22:37:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះមានអាជីពខុសគ្នា ប៉ុន្តែតារាខ្មែរពីរដួង បានធ្វើកិច្ចសប្បុរសមួយដូចគ្នា ក្នុងថ្ងៃតែមួយ។ ពួកគេទាំងពីរនាក់នោះ មានទី១លោក សាយ សៀរ៉ា ជាតារាសម្ដែង និងទី២ កញ្ញា លី អ៊ីវ៉ាធីណា ជាតារាចម្រៀងរបស់ផលិតកម្មថោន។

សកម្មភាពសប្បុរសរបស់តារាយើងទាំងពីរ នៅបណ្ដាញសង្គមព្រឹកនេះ លោក សាយ សៀរ៉ា ដែលជាញឹកញយគេឃើញលោកតែងចែករំលែកអាហារ ឬធនធានផ្ទាល់ខ្លួនជាមួយអ្នកក្រខ្សត់នោះ បានយកនំមួយប្រអប់មកចែកលោកពូម្នាក់រស់នៅតាមចិញ្ចើមថ្នល់។ លោក ថ្លែងថា "ខ្ញុំញុំាអស់ពីនំ ឃើញគាត់អាណិតពេក ឲ្យគាត់អស់ហើយ!”។ ងាកមកកញ្ញា លី អ៊ីវ៉ាធីណា របស់ផលិតកម្ម ថោន ឯណេះវិញក៏ដូចគ្នា។ កញ្ញា ថ្លែងថា កញ្ញាជួបដោយចៃដន្យជាមួយលោកតាម្នាក់នៅអង្គុយនៅចិញ្ចើមថ្នល់ អាណិតក៏ទិញបាយជូនតែម្ដង។ "ខ្ញុំជិះមកធ្វើការ ក៏បានប្រទះឃើញលោកតាអង្គុយនៅជិតពេទ្យចិន ហើយខ្ញុំក៏បានជិះទៅបាយឲ្យលោកតាញុំា ហើយឲ្យលុយគាត់តិចតួច ហើយជីវិតមនុស្សអើយ ខ្ញុំអាចជួយគាត់បានតែប៉ុណ្ណឹងទេ!”។

ទាំងលោក សាយ សៀរ៉ា និងកញ្ញា លី អ៊ីវ៉ាធីណា ទទួលបានការលើកសរសើរចំពោះទង្វើសប្បុរសធម៌នេះ ពីប្រិយមិត្តលើបណ្ដាញសង្គម។ ក្រៅតែពីតារាទាំងពីរដួងនេះ មានតារាយើងផ្សេងទៀតដែរ ដែលមានសកម្មភាពសប្បុរសលេចធ្លោ ក្នុងនោះមានលោក សាវិន ភីលីប និងកញ្ញា ទឹម រដ្ឋា ជាដើម។ លោក ភីលីប បានបង្កើតមូលនិតីទឹកស្អាតមួយទទួលជំនួយពីសប្បុរសជនក្នុង និងក្រៅស្រុក ដើរធ្វើអណ្ដូងទឹកស្អាតផ្ដល់ជូនប្រជាពលរដ្ឋក្រីក្រក្នុងតំបន់ដាច់ស្រយាលមួយចំនួននៅខេត្តតាកែវ និងខេត្តសៀមរាប។ ដោយឡែក កញ្ញា ទឹម រដ្ឋា ក៏ធ្លាប់ចែករំលែកធនធានផ្ទាល់ខ្លួនជូនអ្នកក្រខ្សត់ផងដែរ។ ជាក់ស្ដែងដូចជាករណីនៅខេត្តមណ្ឌលគីរី កញ្ញា បានជូនថវិកាដល់លោកចាស់ជរាម្នាក់នៅរមណីយដ្ឋានទឹកជ្រោះប៊ូស្រា និងសកម្មភាពជូនថវិកាដល់លោកនៅខេត្តបាត់ដំបងជាដើម៕

អត្ថបទ៖ រឿងគាប់ជួននឹកស្មានមិនដល់រវាង Coach និងកូនក្រុម សុវណ្ណរាជ-ប៊ុតសីហា

អត្ថបទ៖តាប៊ុយ អ្នកគ្រប់គ្រងកម្មវិធីលេចធ្លោម្នាក់នៅ MYTV អត្ថបទ៖ ទារិកា