តាមពិតទំនិញគេលក់ចឹងតើ បានគេទិញមិនស្ដាយលុយសោះ ?

2014-12-06 16:18:28
ចំនួនមតិ 0 | ចំនួនចែករំលែក 0

ចន្លោះមិនឃើញ

មានមតិខ្លះ បានលើកឡើងថា ការដាក់តម្លៃជាដុល្លារ ជាថ្លៃចិត្តសាស្ត្រ ដែលធ្វើឲ្យអ្នកទិញភាគច្រើនមិនសូវសាញ ពោលពួកគាត់ភាគច្រើន គិតថា មានតម្លៃថោក ជាងតម្លៃជា លុយខ្មែរ ដែលមានលេខច្រើន ។ ខាងក្រោមនេះការបញ្ចេញយោបល់ជុំវិញមតិខាងលើ ថាតើពួកគេយល់យ៉ាងណាខ្លះដែរ? ជាក់ស្ដែង កញ្ញា ចាន់ ចរិយា និស្សិតជំនាញសេដ្ឋកិច្ច និងហិរញ្ញវត្ថុ នៅ សាកលវិទ្យាល័យជាតិគ្រប់គ្រង បានឲ្យដឹងថា៖”ការដាក់តម្លៃលក់ជាដុល្លារវាអាចទាក់ទាញអ្នកទិញ មែន ព្រោះរបស់មួយបើសិនជាគេដាក់ត្រឹម ៥កាក់ អ្នកទិញគិតថាថោក ប៉ុន្តែបើគេដាក់តម្លៃជាលុយខ្មែរ ២ពាន់រៀល ដូចជាមានអារម្មណ៍ថា ថ្លៃ ដូច្នេះ អ្នកទិញអាចរារែកចិត្ត ឬពិចារណាសិន”។

ស្រដៀងគ្នានេះដែរ យុវជន ចាន់ ថន និស្សិតនៅ វិទ្យាស្ថានជាតិពហុបច្ចេកទេសកម្ពុជា បានឲ្យដឹងដែរថា កាលណាតម្លៃគេគិតជាលុយខ្មែរ ដូចជាច្រើនមែន ឧទាហរណ៍ តម្លៃ ២០០០ដុល្លារ គឺ គិតជា លុយខ្មែរ ប្រហែល ៨លានរៀល ដូច្នេះដាក់តម្លៃជាលុយខ្មែរអាចជាការសម្រួល ដល់ការសរសេរ និងជួយជំរុញអ្នកទិញងាយសម្រេចចិត្តដែរ ពិសេសជនបរទេសក៏អាចទិញបានដែរ។

ចំណែក ឯ អ្នកមីង ហេង ជាអ្នកលក់ចានឆ្នាំង នៅផ្សារអូរឫស្សី បានឲ្យដឹងថា ការដាក់តម្លៃលក់ជាដុល្លារអាចងាយលក់ជាងមែន ព្រោះអ្នកទិញភាគច្រើនគិតជាដុល្លារដូចជាមិនសូវសាញ និងមកពីការទិញចូលគិតជាដុល្លារ។ ប៉ុន្តែសម្រាប់អ្នកមីង យល់ថា អ្នកលក់ភាគច្រើន គិតជាលុយខ្មែរច្រើនជាង ទោះជាតថ្លៃជាដុល្លារក៏ដោយ។

ផ្ទុយ ពីគេ បងប្រុសម្ចាស់ហាង Green Tea Milk ដែលបានដាក់តារាងតម្លៃតែបៃតង និងអាហារនៅហាងរបស់លោក ជាលុយខ្មែរយ៉ាងធំ ធ្លាប់បានពន្យល់ថា៖”មូលហេតុដែលលោក និងដៃគូ មិនដាក់តម្លៃជាដុល្លារ ព្រោះចង់លើកម្ពស់លុយខ្មែរ ម្យ៉ាងវិញទៀតគឺចង់ឲ្យអតិថិជន បានមើលឃើញពីតម្លៃពិតប្រាកដ ដើម្បីងាយស្រួលសម្រេចចិត្តក្នុងការទិញ”។ លោក បានបញ្ជាក់បន្ថែមយ៉ាងជឿជាក់ថា ៖”បើសិនជាលោកមានសេវាកម្មល្អ និងអាហារមានគុណភាព អតិថិជននឹងមកដោយខ្លួន ទោះតម្លៃដាក់ជាលេខអ្វីក៏ដោយ ក៏គេនៅតែទិញដែរ”។ ចុះអ្នកវិញយល់យ៉ាងណាខ្លះដែរ?

អត្ថបទ៖ កង ចាន់បញ្ញា

ពាក្យទាក់ទង

ទស្សនៈយុវវ័យ

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

មានលុយធ្វើអីក៏សម បុរសម្នាក់ប្រើជីវិតបែបអភិជន រហូតគេដាក់ឈ្មោះថាជា «Kim Kardashian ចិន»

អត្ថបទថ្មី

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា

BYD ចេញឡានភីកអាប់ Hybrid ថ្មី សាកភ្លើងក៏បាន ហើយមានការ៉ាអូខេទៀត

Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤

Xavi អាចនឹងត្រូវបានបញ្ចប់ពីតំណែង

Juventus នឹងបណ្ដេញ Allegri ក្នុងពេលឆាប់ៗ ខណៈជិតចរចាយកបានគ្រូបង្គោលថ្មី

ប្រូម៉ូសិនពិសេសជាមួយនឹងការបន្ថែមល្បឿនលឿន និងធំអស្ចារ្យជាងមុនតែតម្លៃនៅដដែលស័ក្តិសមបំផុតសម្រាប់ការប្រើប្រាស់លក្ខណៈគ្រួសារ!