អ្នកលេងឆ្លងដែនថៃ៤នាក់ចាញ់កីឡាករកម្ពុជាទាំងអស់ម្សិលមិញ
- 2014-12-08 17:11:26
- ចំនួនមតិ 0 | ចំនួនចែករំលែក 0
អ្នកលេងឆ្លងដែនថៃ៤នាក់ចាញ់កីឡាករកម្ពុជាទាំងអស់ម្សិលមិញ
ចន្លោះមិនឃើញ
អ្នកលេងក្បាច់គុនសេរីឆ្លងដែនថៃ៤នាក់ និងម៉ុងហ្គោលីម្នាក់សុទ្ធតែទទួលរងបរាជ័យសម្រាប់ការប្រកួតប្រដាល់មិត្តភាពអន្តរជាតិពីរសង្វៀនខុសគ្នាកាលពីរសៀលថ្ងៃអាទិត្យម្សិលមិញ។
បងប្អូនត្រកូលឡៅបាននាំគ្នាបំបាក់ជើងខ្លាំងមកពីថៃទាំងពីរនាក់នៅសង្វៀនបាយ័នស្ទឹងមានជ័យកាលពីវេលាម៉ោង៧យប់មិញ។ ឡៅ ចន្ទ្រាបានវាយសន្ធាប់តាមរយៈកណ្តាប់ដៃ និងទាត់បានយ៉ាងល្អដើម្បីឈ្នះពិន្ទុដាច់លើកីឡាករថៃ Nondengyim ខណៈបងប្រុសរបស់ខ្លួនគឺ ឡៅ ស៊ីណាត បានឈ្នះពិន្ទុលើកីឡាករថៃ Jinda ដូចគ្នា។
ឡៅ ស៊ីណាត រំលឹកគុណគ្រូ
លទ្ធផលជ័យជម្នះរបស់បងប្អូនត្រកូលឡៅទាំងពីរទទួលបានប្រាក់រង្វាន់លើកទឹកចិត្តម្នាក់៥០០ដុល្លារអាមេរិកពីក្រុមហ៊ុនភេសជ្ជៈខារ៉ាបាវបន្ថែមលើប្រាក់តម្លៃខ្លួននៃប្រកួតលក្ខណៈអន្តរជាតិ។ងាកទៅកាន់សង្វៀនអាស៊ីអាគ្នេយ៍ឯណោះវិញ កីឡាករមាឌល្អិតចិត្តធំ ម៉ន វិរៈ បានវាយមួយកែងស្តាំលើ ត្រចៀករបស់អ្នកលេងឆ្លងដែនថៃ Deth Oudom ឲ្យសន្លប់ក្នុងទឹកទី៣។ ចំណែកជើងខ្លាំង សារឿន ចាន់ បានឈ្នះកីឡាករម៉ុងហ្គោលី Ganas ដោយពិន្ទុប៉ុណ្ណោះ បន្ទាប់ពីតស៊ូគ្នា៥ទឹកពេញ។
ចំពោះការចាប់គូរវាងអ្នកប្រដាល់កម្ពុជា ឈិត ក្វាន់ង៉ុយ និងកីឡាករថៃ Kha Thon ប្រៀបដូចជាចាប់មនុស្សធំឲ្យវាយជាមួយកូនក្មេង។ ឈិត ក្វាន់ង៉ុយមានមាឌធំ ខ្ពស់ និងអាយុច្រើនជាង ខណៈ Kha Thon ទើបមានអាយុ១៧ឆ្នាំ ហើយមានមាឌតូចជាង។ ការប្រកួតពិតជាពិបាកភ្នែកណាស់ ដោយឈិត ក្វាន់ង៉ុយវាយសម្រុកតាមរយៈឡើងជង្គង់ឲ្យកីឡាករថៃសន្លប់ក្នុងទី២យ៉ាងស្រួល៕
វីដេអូ ឡៅ ចន្ទ្រា vs Nondengyim http://youtu.be/qCVAgDXAP7A ឡៅ ស៊ីណាត vs Jinda http://youtu.be/Eas-2Ip2h80 ម៉ន វីរៈ vs Deth Oudom http://youtu.be/5Zrxu8MyYmY សារឿន ចាន់ vs Ganas http://youtu.be/CkVScTg8KPI ឈិត ក្វាន់ង៉ុយ vs Kha Thon http://youtu.be/PAeeFOY77a4 អត្ថបទ៖ ជាន ចាន់រ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
