មានដើមទ្រូងធំពេក នាង Katie Price សម្រេចចិត្តវះកាត់ទំហំឲ្យតូច
- 2014-12-08 18:24:21
- ចំនួនមតិ 0 | ចំនួនចែករំលែក 0
មានដើមទ្រូងធំពេក នាង Katie Price សម្រេចចិត្តវះកាត់ទំហំឲ្យតូច
ចន្លោះមិនឃើញ
ធ្លាប់តែឮថាសុភាពនារីភាគច្រើនចង់បានដើមទ្រូងធំ រហូតហ៊ានចំណាយប្រាក់ដើម្បីវះកាត់ ប៉ុន្តែតារាសម្ដែងអង់គ្លេស Katie Price ដែលមានសុដន់ធំហើយ បែរជាមិនពេញចិត្ត ហើយសម្រេចសម្រកឲ្យតូចទៅវិញ។
តារាភាពយន្តមានរាងស៊ីចស៊ី ដើមទ្រូងមូលក្លំ Katie Price បានសម្រេចចិត្តធ្វើការវះកាត់ដើមទ្រូងរបស់ខ្លួនសារជាថ្មីឡើងវិញ បន្ទាប់ពីនាងយល់ឃើញថា ទំហំរបស់វាធំពេក។ នាងពិតជាទទួលបានទំហំផ្លាស់ប្ដូរដើមទ្រូងមែន បន្ទាប់ពីឆ្លងកាត់មុខកាំបិតជាង ៧ ដងមក ហើយលទ្ធផលចុងក្រោយនៃការវះកាត់គឺឃើញកាលពីសប្ដាហ៍មុននេះ។
តារារូបនេះមានវ័យត្រឹមតែ ៣៦ ឆ្នាំ ត្រូវបានគេលួចផ្ដិតយករូបភាពរបស់នាង បន្ទាប់ពីចាកចេញពីស្ទូឌីយោ ដែលមានរូបសម្រស់បែបក្មេង ហើយមើលសឹងតែមិនស្គាល់។ នេះបើយោងតាមគេហទំព័រសារព័ត៌មានម៉ាឡេស៊ី Malaysia Chronicle។
ក្រោយឃើញរូបភាពមួយចំនួនរបស់ Katie Price ត្រូវបានចេញផ្សាយនៅសប្ដាហ៍មុននេះ បានធ្វើឲ្យអ្នកគាំទ្ររបស់នាងទាំងស្រីទាំងប្រុសមានការភ្ញាក់ផ្អើលយ៉ាងខ្លាំង ព្រោះដើមទ្រូងរបស់នាងតូចជាងមុនឆ្ងាយ។
Katie បានចាប់ផ្ដើមវះកាត់ដើមទ្រូងដំបូងកាលនាងមានអាយុ ១៩ ឆ្នាំ ដែលប្ដូរពីទំហំធម្មជាតិ ៣២B មកដល់ ៣២ D នៅឆ្នាំ ១៩៩៨។ មួយឆ្នាំក្រោយមកទៀត នាងបានធ្វើការវះកាត់ជាលើកទីពីរ នឹងមកដល់ឆ្នាំ ២០០០ ជាការកែដើមទ្រូងលើកទីបី ដោយការបញ្ចូល Silicone ឲ្យទំហំសុដន់របស់នាងប៉ុនពែងរាងអក្សរ "G”។ ចំណែកការវះកាត់លើកទីបួនរបស់នាង ធ្វើនៅ Los Angeles សហរដ្ឋអាមេរិក ដែលកែមកដល់ទំហំ ៣២ GG។
Katie Price បានក្លាយជាមហាសេដ្ឋីខាងជំនួញផ្សេងៗ រួមទាំងតារាប្រចាំទូរទស្សន៍ផង នឹងបានបង្ហាញពីទំហំសុដន់ដ៏ធំមិនគួរឲ្យជឿ ប៉ុន្តែនាងបាននិយាយថា ហាក់បីដូចជាគ្មានអារម្មណ៍ស៊ិចស៊ីដូចតារាផ្សេងទៀតសោះ។ លុះចូលដល់ឆ្នាំ ២០០៧ ក្រោយការរៀបការជាមួយលោក Peter Andre លើកដំបូង Katie ក៏សម្រេចចិត្តបញ្ចុះទំហំដើមទ្រូងម្ដងទៀត ដែលនេះជាការវះកាត់លើកទី ៥។ នាងសង្ឃឹមថា ក្រោយការឆ្លងកាត់ពេទ្យលើកនេះ ដើមទ្រូងរបស់នាងអាចស្រកមកនៅត្រឹមទំហំ ៣២ C ប៉ុន្តែនៅសល់ត្រឹមតែទំហំ ៣២ FF ។ ហេតុនេះហើយទើប Katie Price បន្តធ្វើការវះកាត់ជាលើកទី ៦ ដើម្បីកែទំហំ ដែលនាងមិនចង់បាននេះឡើងវិញ។ ទីបំផុតនាងសម្រេចបំណងប្រាថ្នារបស់ខ្លួនបានជោគជ័យ ដោយឆ្លងកាត់ការវះកាត់លើកទី ៧។ ចុងក្រោយនៃលទ្ធផល នាងមានសម្រស់ស្រស់ស្អាតដូចក្មេងអាយុ ២០ ឆ្នាំ៕
អាន តាមពិត ឃាតកស្រី Maggie Q ជាកូនកាត់វៀតណាមសោះ
អាន ទៀតហើយ Miley Cyrus ដោះអាវអស់ បិទតែចុងបន្តិច
ប្រែសម្រួល៖ សែម សុធារិទ្ធ ប្រភព៖ lollipop