ឡើងលើដើមឈើលក់ក្រលៀន ផ្អើលពេញមន្ទីរពេទ្យ
- 2014-12-09 17:19:16
- ចំនួនមតិ 0 | ចំនួនចែករំលែក 0
ឡើងលើដើមឈើលក់ក្រលៀន ផ្អើលពេញមន្ទីរពេទ្យ
ចន្លោះមិនឃើញ
បុរសដែលគេមិនស្គាល់អត្តសញ្ញាណ វ័យ៣០ឆ្នាំម្នាក់ បានឡើងលើដើមឈើក្បែរមន្ទីរពេទ្យមួយ ក្នុងប្រទេសចិនកាលពីថ្ងៃសុក្រ ដើម្បីប្រកាសលក់ក្រលៀន។
ក្រោយឃើញករណីធ្វើដោយបើកចំហនេះ ក្រុមពន្លត់អគ្គិភ័យ និងប៉ូលិសបានរត់ទាំងតក់ក្រហល់ ទៅកន្លែងកើតហេតុ ដើម្បីដោះស្រាយ។ ជាលទ្ធផល គឺបានបង្កឱ្យមានការស្ទះយ៉ាងកកកុញ ក្បែរមន្ទីរពេទ្យនោះ។
ក្រោយមានការបញ្ចុះបញ្ចូលអស់បីម៉ោង ក្រុមសង្គ្រោះបានប្រើរថយន្តស្ទូចបុរសនោះចុះ។ សាក្សីប្រាប់សារព័ត៌មាន Sina News ថា បុរសដែលនៅត្រេតត្រតក្បែរមន្ទីរពេទ្យនេះនិយាយថា លោកចង់លក់ក្រលៀន។ ពេលគ្មានអ្នកណាឆ្លើយតប លោកបានឡើងដើមឈើ ដើម្បីទាក់ទាញចំណាប់អារម្មណ៍។ ទោះយ៉ាងណាគេមិនបានបញ្ជាក់ពីមូលហេតុថា លោកលក់ក្រលៀនដើម្បីអ្វីឡើយ។
ការជួញដូរក្រលៀនខុសច្បាប់ នៅតែជាបញ្ហាក្នុងប្រទេសចិន ដែលជាកន្លែងត្រូវការសរីរាង្គធំបំផុត។ អង្គការសុខភាពពិភពលោក បានប៉ានប្រមាណថា មានការប្រតិបត្តិការទីផ្សារងងឹត ពាក់ព័ន្ធជួញដូរសរីរាង្គមនុស្ស ប្រហែល ១០ ០០០ករណី កើតឡើងជារៀងរាល់ឆ្នាំ។ បើតាមរបាយការណ៍គេហទំព័រ The Guardian ឆ្នាំ២០១២៕
ស្រីស្អាតអស់ការងារធ្វើ ព្រោះតែថតវីដេអូ និងរូបសិចស៊ីពេក
ខ្មោចឡានតម្លៃមហាសាល បែរជាទុកចោលហាលវាលអស់៥ទសវត្សរ៍
ប្រែសម្រួល៖ អ៊ុំ សុភក្តិ ប្រភព៖ Shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
