ដឹងថា Justin Bieber សព្វថ្ងៃជួលផ្ទះគេនៅមួយខែៗថ្លៃប៉ុន្មានអត់?

2014-12-11 15:56:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាឆ្នាំនេះតារាចម្រៀង Justin Bieber បានក្លាយជាតារាវ័យក្មេងដែលអាចរកចំណូលបានច្រើនបំផុតក៏ពិតមែន ប៉ុន្តែបច្ចុប្បន្នតារាសញ្ជាតិកាណាដារូបនេះមិនមានផ្ទះផ្ទាល់ខ្លួននៅសហរដ្ឋអាមេរិកឡើយ ពោលគឺគេកំពុងរស់នៅផ្ទះជួល។ ក៏ប៉ុន្តែផ្ទះជួលរបស់គេក៏មិនធម្មតាដែរ។

បើតាមប្រភពពីសារព័ត៌មាន Daily Mail តារាចម្រៀងវ័យ ២០ឆ្នាំរូបនេះ ទើបតែប្ដូរទៅរស់នៅផ្ទះជួលថ្មីមួយក្នុងទីក្រុង Los Angeles រដ្ឋ Carlifornia កាលពីសប្ដាហ៍មុន ដែលមានតម្លៃ ៥៩០០០ដុល្លារក្នុងមួយខែ។ ស្ថិតលើដំបូលអគារមួយ ផ្ទះថ្មីនេះមានទីធ្លាទំហំ ៦០៧ម៉ែត្រការ៉េ មានបន្ទប់គេងចំនួន ៦ បន្ទប់ទឹកចំនួន ៧ មានអាងហែលទឹក និងទីធ្លាសួនច្បារដែលអាចមើលឃើញទេសភាពទីក្រុង Los Angeles និងមហាសមុទ្រប៉ាស៊ីហ្វិក។

តារាចម្រៀងប៉ុបរូបនេះ បានចាកចេញពីខុនដូចាស់ដែលមានតម្លៃ ២៧០០០ដុល្លារក្នុងមួយខែ កាលពីថ្ងៃចន្ទសប្ដាហ៍មុន បន្ទាប់ពីមានការត្អូញត្អែររាប់ខែពីអ្នកជិតខាង។ អំឡុងពេល៦ខែដែលគេរស់នៅទីនោះ អ្នកជិតខាងជាច្រើនបានត្អូញត្អែរការរំខានដោយសំឡេងអ៊ូអរញឹកញាប់។

កាលពីឆ្នាំ២០១២ ម្ចាស់បទ "Boyfriend” រូបនេះ ក៏បានទិញផ្ទះផ្ទាល់ខ្លួនមួយដែរនៅទីក្រុង Calabasas រដ្ឋ California ក្នុងតម្លៃ ៦,៥លានដុល្លារ ប៉ុន្តែបានលក់វិញកាលពីខែមីនា ឆ្នាំ២០១៤នេះ បន្ទាប់ពីមានបញ្ហាជាមួយអ្នកជិតខាងដូចគ្នា ៕

ទស្សនារូបភាពផ្ទះថ្មីរបស់ Justin Bieber៖