ឈុតខ្លីបញ្ចេញគល់ភ្លៅ និងដើមទ្រូងរបស់ Suzy ធ្វើឲ្យអ្នកគាំទ្រជ្រួលច្របល់

2014-12-09 23:10:18
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Suzy សមាជិកក្រុម miss A បានក្លាយជាប្រធានបទក្ដៅសម្រាប់អ្នកលេងអ៊ីនធឺណិត បន្ទាប់ពីរូបភាពដែលតារាចម្រៀងរូបនេះស្លៀកសិចស៊ីត្រូវបានចែកចាយព្រោងព្រាតលើបណ្ដាញសង្គម។

ក្នុងរូបភាពទាំងនោះ តារាចម្រៀងដែលគេធ្លាប់តែឃើញស្លៀកសំលៀកបំពាក់ស្រគត់ស្រគំធម្មតា បានបញ្ចេញស្ទីលប្លែកជាមួយខោខ្លី និងអាវវាលក្លៀកចំហដើមទ្រូងយ៉ាងសិចស៊ី អំឡុងពេលសម្ដែងក្នុងកម្មវិធី "2014 Korean Music Wave” នៅទីក្រុងប៉េកាំង ប្រទេសចិននាពេលថ្មីៗនេះ។

បន្ទាប់ពីសម្ដែងចប់ ស្រីស្រស់វ័យ២០ឆ្នាំរូបនេះ បានបង្ហោះរូបមួយសន្លឹកលើ Instagram ដោយសរសេរភ្ជាប់ជាភាសាចិនថា "អរគុណអ្នកគ្រប់គ្នាខ្លាំងណាស់"។

បណ្ដាអ្នកលេងអ៊ីនធឺណិតបានបញ្ចេញយោបល់ផ្សេងៗចំពោះឈុតសិចស៊ីរបស់ Suzy ដូចជា "ហេតុអ្វីបានជានាងមិនស្លៀកពាក់បែបនេះពេលសម្ដែងនៅកូរ៉េ?” “Suzy គឺជាស្រីស្អាតមែនទែន" “ខ្ញុំចង់មើលការសម្ដែងមួយនេះរបស់ Suzy” ជាដើម។

ការប្រគំតន្ត្រី "2014 Korean Music Wave in Beijing” នេះត្រូវបានចាក់ផ្សាយលើទូរទស្សន៍ MBC កាលពីថ្ងៃទី៧ ខែធ្នូ ដោយក្រៅពី miss A មានតារាចម្រៀងល្បីៗជាច្រើនទៀតបានចូលរួមដូចជា Girls' Generation, EXO, T-ara, Infinite, SISTAR, BEAST, 2PM,...៕

អានអត្ថបទ៖៨រឿង កក្រើករញ្ជួយពិភពសិល្បៈ KPOP នៅឆ្នាំ២០១៤