រូបថតមួយសន្លឹកលក់បានជាង៦លានដុល្លារ បំបែកកំណត់ត្រាពិភពលោក

2014-12-12 15:04:02
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតមួយសន្លឹកដែលមានឈ្មោះថា Phantom របស់អ្នកថតរូបអូស្រ្ដាលី Peter Lik បានបំបែកកំណត់ត្រាពិភពលោក ក្លាយជារូបថតថ្លៃបំផុតក្នុងលោក ក្រោយលក់បានដល់ទៅ ៦,៥លានដុល្លារអាមេរិក។

រូបថត Phantom លក់បានតម្លៃ ៦,៥លានដុល្លារ (រូបកាត់ពី lik.com)

រូបថតសខ្មៅមួយសន្លឹកនេះ ថតនៅរូងភ្នំនៅក្នុងអន្លង់ Antelope Canyon រដ្ឋ Arizona សហរដ្ឋអាមេរិក។ វាជារូងដែលកើតឡើងដោយសារទឹកហូរកាត់ថ្ម អស់រយៈពេលរាប់លានឆ្នាំមកហើយ។

ក្រៅពីរូបថតដែលលក់បានថ្លៃជាងគេបំផុតនេះ លោក Peter Lik មានរូបថតដល់ទៅ៤សន្លឹក ក្នុងចំណោមរូបថតថ្លៃជាងគេបំផុតទាំង២០ក្នុងលោក។ រូប៣សន្លឹកផ្សេងទៀតនោះ មានរូបថត "Illusion” លក់បាន ២,៤លានដុល្លារ, រូបថត "Eternal Moods” លក់បាន ១,១លានដុល្លារ និងរូបថត "One” លក់បាន១លានដុល្លារ។

លោក Peter Lik (រូបកាត់ពី southerncrossgalleries.com)

Peter បានចំណាយពេល៣០ឆ្នាំមកហើយ ក្នុងការដើរថតរូបស្អាតៗនៅជុំវិញពិភពលោក។ អ្នកថតរូបល្បីៗមួយចំនួនទៀតដែលអាចចូលក្នុងបញ្ជីរូបថតថ្លៃជាងគេ មានដូចជា Andreas Gursky, Cindy Sherman និង Jeff Wall ជាដើម៕

ដោយ៖ សុខ សុវត្ថិ

ប្រភព៖ stuff, lik