សមាជិកក្រុមចម្រៀងកូរ៉េ CNBLUE និង AOA នឹងមកកម្ពុជាដើម្បីថតកម្មវិធីថ្មី

2014-12-13 16:35:23
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងសម្ដែងកូរ៉េចំនួន ៦រួប រួមមានតារាចម្រៀង Kang Minhyuk សមាជិកក្រុម CNBLUE, តារាចម្រៀង Seolhyun សមាជិកក្រុម AOA, តារាកំប្លែង Park Myung Soo រួមទាំងតារាសម្ដែង Lee Moon Sik, Shim Hye Jin និង Choi Jung Won នឹងធ្វើដំណើរមកប្រទេសកម្ពុជា នៅខែមករា ឆ្នាំក្រោយនេះដើម្បីថតកម្មវិធីថ្មីមួយរបស់ទូរទស្សន៍ KBS។

អ្នកនាំពាក្យម្នាក់របស់ទូរទស្សន៍ KBS បានប្រាប់សារព័ត៌មាន TV Report កាលពីម្សិលមិញថា "តារាទាំង ៦រូប នឹងចូលរួមកម្មវិធីថ្មីឈ្មោះ "Brave Family”។ ពួកគេនឹងធ្វើដំណើរទៅប្រទេសកម្ពុជា ពីថ្ងៃទី២ ដល់ថ្ងៃទី៨ ខែមករា ខាងមុខនេះដើម្បីថតវគ្គដំបូង"។

គោលបំណងនៃកម្មវិធីថ្មីនេះគឺចង់បង្ហាញពីការរស់នៅរបស់គ្រួសារតារាកូរ៉េ ក្នុងនាមជាជនបរទេសនៅប្រទេសផ្សេងៗ និងការសម្របខ្លួនរបស់ពួកគេទៅតាមរបៀបរស់នៅនៃប្រជាជនក្នុងតំបន់ទាំងនោះ។

កម្មវិធីថ្មីនេះ នឹងអាចចាក់បញ្ចាំងចាប់ពីពាក់កណ្ដាលខែមករា នៅរៀងរាល់ថ្ងៃសុក្រ។ តែម៉ោងចាក់បញ្ចាំងគឺកំពុងស្ថិតក្នុងការពិភាក្សានៅឡើយ ៕

អានអត្ថបទ៖ឈុតខ្លីបញ្ចេញគល់ភ្លៅ និងដើមទ្រូងរបស់ Suzy ធ្វើឲ្យអ្នកគាំទ្រជ្រួលច្របល់

ប្រែសម្រួល៖ វ៉ាន់ថន ប្រភព៖ soompi ,dkpopnews