Angelina Jolie មិនចូលរួមសម្ពោធរឿង "Unbroken” ព្រោះស្នាមអុតធំ

2014-12-13 19:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាភាពយន្តហូលីវូដ Angelina Jolie ខកខានមិនបានចូលរួមកម្មវិធីសម្ពោធរឿងថ្មី "Unbroken” ដោយសារតែរូបនាងកើតស្នាមអុតធំៗពេកនៅលើស្បែក។

នាងមានការសោកស្ដាយចំពោះការមិនបានចូលរួមកម្មវិធីនេះខ្លាំងណាស់។ នេះបើយោងតាមការបង្ហាញក្នុងខ្សែអាត់វីដេអូខ្លីមួយរបស់នាងកាលពីពេលថ្មីៗនេះ។ Angelina Jolie បានបន្ថែមទៀតថា ស្នាមអុតទាំងនេះ បានធ្វើឲ្យនាងកើតរមាស់ ហើយមិនអាចចេញទៅក្រៅផ្ទះបានទេ។ តារាវ័យ ៣៩ ឆ្នាំរូបនេះ បានបង្ហាញអារម្មណ៍មិនសប្បាយចិត្តជាខ្លាំង ចំពោះអវត្តមានលើកនេះ ហើយជាពិសេសនាងបានប្រាប់ដល់ទស្សនិកជនថា "Unbroken” ជារឿងមានអត្ថន័យខ្លាំងណាស់។

មើលវីដេអូខ្លីរបស់ Angelina Jolie៖

កាលពីពីរបីសប្ដាហ៍មុន អ្នកដឹកនាំខ្សែភាពយន្តនេះ បានធ្វើការផ្សព្វផ្សាយនៅពាសពេញទីក្រុង និងរូបនាងផ្ទាល់ក៏បានចូលរួមកម្មវិធីទូរទស្សន៍មួយចំនួន ដើម្បីធ្វើសម្ភាសន៍ មុនការសម្ពោធរឿងជាផ្លូវការមកដល់។

ទោះជាយ៉ាងណា Jolie នៅតែជឿជាក់ថា នាងនឹងទទួលបានការគាំទ្រច្រើនពីអ្នកទស្សនាជុំវិញពិភពលោកតាមរយៈភាពយន្តថ្មីនេះ ។ "Unbroken” នឹងចាប់ផ្ដើមចាក់បញ្ចាំងជាផ្លូវការ នៅថ្ងៃបុណ្យណូអែលឆាប់ៗនេះ៕

ទស្សនា Trailer រឿង "Unbroken"៖