មិនធ្លាប់ដឹងសោះថា ពិធីបុណ្យណូអែលនៅកូរ៉េ ខុសគេយ៉ាងនេះ!
- 2014-12-15 17:29:42
- ចំនួនមតិ 0 | ចំនួនចែករំលែក 0
មិនធ្លាប់ដឹងសោះថា ពិធីបុណ្យណូអែលនៅកូរ៉េ ខុសគេយ៉ាងនេះ!
ចន្លោះមិនឃើញ
រៀងរាល់ចុងឆ្នាំម្ដង ឱកាសដ៏រីករាយបំផុត សម្រាប់ជួបជុំគ្រួសារ និងជូនកាដូដល់មនុស្សជាទីស្រឡាញ់ នោះគឺពិធីបុណ្យណូអែល។ ក្នុងពេលវេលាដ៏សប្បាយនេះ គ្រប់បណ្ដាប្រទេសទាំងអស់នៅលើពិភពលោក តែងនាំគ្នាធ្វើគ្រប់សកម្មភាពតាំងពីដើមខែ ១២ ដល់ដាច់ឆ្នាំ ដោយបានបង្ហាញពីវប្បធម៌ ប្រពៃណី ទំនៀមទម្លាប់របស់ខ្លួន ឲ្យដល់ភ្ញៀវទេសចរបានឃើញ។ ដោយឡែកខុសអីតែ ពិធីបុណ្យ Christmas នៅកូរ៉េខាងត្បូង មានលក្ខណៈខុសគេទៅវិញ ដែលអ្នកទាំងអស់គ្នានឹកស្មានមិនដល់។
ប្លែក ហើយខុសគេម៉េចនោះ សូមមកមើលដូចខាងក្រោម៖
១. លោកតា Santa Claus ស្លៀកឈុតពណ៌ខៀវទៅវិញ។ ភាគច្រើនគេប្រើពណ៌ក្រហម លើកលែងតែប្រទេសកូរ៉េមួយគត់។
២. ប្រជាជនកូរ៉េ មិនរៀបចំការតុបតែងដើម Christmas ផ្កា និងអំពូលភ្លើងនៅផ្ទះទេ គឺគេធ្វើនៅតាមផ្លូវសាធារណៈ និងផ្សារទំនើបវិញ។
៣. អ្នកទាំងអស់គ្នា អាចពិបាកបន្តិចហើយ បើចង់ទទួលទានអាហារក្នុងពិធីបុណ្យ Christmas នៅកូរ៉េ ព្រោះនៅទីនេះមានតែអាហារបែបជនជាតិដើមប៉ុណ្ណោះ។
៤. ចំជាប្លែកមែន នៅកូរ៉េ គេយកលុយជូនជាកាដូចំពោះគ្នា ពោលគឺមិនមានអ្វីផ្សេងក្រៅពីនេះទេ។
៥. ក្នុងឱកាសពិធីបុណ្យ Christmas គឺជាពេលវេលាដ៏ផ្អែមល្ហែមបំផុត សម្រាប់គូស្នេហ៍នៅកូរ៉េ ដើម្បីបង្ហាញពីសេចក្ដីស្រលាញ់មិនអាចបំភ្លេចបានចំពោះគ្នាទៅវិញទៅមក។
៦. បើនៅតាមផ្ទះវិញ ប្រជាជនកូរ៉េកម្ររៀបចំដើម Christmas ធំៗណាស់ គេគ្រាន់តែធ្វើយកប្លាស្ទិក ផ្កា និងអំពូលភ្លើងមកតុបតែងប៉ុណ្ណោះជាការស្រេច។
៧. Eggnog ជាភេសជ្ជៈពងក្រឡុក ដែលអ្នកទាំងអស់គ្នាគិតថា អាចរកទិញមកទទួលទានបាន នៅពេលមានបុណ្យ Christmas ប៉ុន្តែអាចខកបំណងហើយ។ បើអ្នកចង់ញ៉ាំវា អ្នកត្រូវធ្វើខ្លួនឯងជាមុនសិន។
៨. បើនៅកូរ៉េ អ្នកអាចនឹងមិនឮបទចម្រៀងបែបលន្លង់លន្លោចតាំងពីកុមារភាពបានទេ គឺអាចស្ដាប់តែចម្រៀងរបស់ Mariah Carey និង K-Pop ប៉ុណ្ណោះ។
៩. បើអ្នកចង់ថើបថ្ពាល់គូស្នេហ៍ក្នុងបុណ្យ Christmas លុះត្រាតែអ្នកយកស្លឹកបញ្ញើក្អែកដាក់ពីលើក្បាលសង្សារជាមុនសិន។
១០.សម្រាប់ការច្រៀងសរសើរព្រះគ្រិស្តក្នុងពិធីបុណ្យ Christmas គេតែងធ្វើឡើងនៅតាមព្រះវិហារនោះវិញ កម្របានឃើញនៅតាមផ្ទះប្រជាជនណាស់។
១១. គេយកសត្វឆ្កែ មកតំណាងឲ្យរមាំង ឬក្ដាន់សម្រាប់អូសរទេះរបស់លោកតា Santa Clause៕
អាន ស្រីស្អាតមុខដូចតុក្កតា តែបើបានឃើញខ្លួនវិញ ដាច់ផ្ងារ…
អាន នារីម្នាក់ទ្រាំឈឺចាប់ក្រោមផ្លែកាំបិទ៨ឆ្នាំ ព្រោះចង់បានមុខដូចតារាប្រុស 2PM
ប្រែសម្រួល៖ សែម សុធារិទ្ធ ប្រភព៖ Koreaboo