ស្បែកក្រពើខ្មែរ ដាក់តាំងលក់នៅកោះពេជ្រតម្លៃមួយ អាចទិញ iPhone 6 ឬ ម៉ូតូជំនំៗបានមួយគ្រឿង

2014-12-16 16:39:21
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកណាមិនល្បីថា សៀមរាប ជាខេត្តមួយដែលសម្បូរទីតាំងចិញ្ចឹមសត្វក្រពើជាច្រើនកន្លែង រាប់មិនអស់ តែពេលនេះ ផលិតផល ផលិតចេញពីស្បែកក្រពើសុទ្ធ ខ្មែរសុទ្ធសាធ មកពីទឹកដីអង្គរ ខេត្តសៀមរាប កំពុងតែមានវត្តមាននៅស្តង់មួយក្នុងពិព័រណ៍ ខេត្តមួយ ផលិតផលមួយ នៅសាលពិព័រណ៍កោះពេជ្រ។

តាមការឲ្យដឹងពី លោក ស៊ីនណារ៉ា មន្ត្រីនៃមន្ទីរពាណិជ្ជកម្មខេត្តសៀមរាប រៀបរាប់ថា៖ "ចំពោះតម្លៃស្បែកក្រពើ គេគិតទៅលើអាយុកាល គុណភាព និង ទំហំនៃស្បែករបស់វា។ ចំពោះស្បែកក្រពើទាំងមូលមួយនេះ តម្លៃរបស់វា ថ្លៃ ៦៨៦ ដុល្លារ ហើយនៅមានថ្លៃៗជាងហ្នឹងទៀត ក្នុងស្តង់ មន្ទីរពាណិជ្ជកម្មខេត្តសៀមរាប"។

ក្រៅពីការដាក់តាំងលក់ ស្បែកក្រពើទាំងមូលស្តង់មួយនេះ ក៏មានលក់ផលិតផលសម្រេច ដូចជាកាបូប ខ្សែក្រវាត់ និង ស្បែកជើង ដែលជាផលិតពីស្បែកក្រពើខ្មែរសុទ្ធសាធទៀតផង។ ពិព័រណ៍ខេត្តមួយ ផលិតផលមួយ កម្ពុជាលើកទី ៩ ឆ្នាំ២០១៤ លើកនេះ ធ្វើឡើងរយៈពេល ៣ ថ្ងៃ ចាប់ពីថ្ងៃទី ១៥ ដល់ទី ១៨ ខែធ្នូ ដោយមានការចូលរួម ពីសហគ្រាស និង ភ្នាក់ងាររដ្ឋាភិបាល ក្នុងស្រុក និង បរទេស ដាក់តាំងបង្ហាញនូវផលិតផលយ៉ាងច្រើនសម្បូរបែប សរុបចំនួន ៣២៩ ស្តង់៕